Yohanes 20:30 - Kaili Ledo

³⁰ Da nadeapa tanda-tanda nipokumaaka ntanina nipovia i Yesus tempo Ia da naria nosanggani-nggani ante ana-anaguruNa anu ledo nitulisi riara buku hitu.

Yohanes 20:30 ပူးပေါင်းရင်းမြစ်များ

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 21:25

Da nadeapa anu ntanina nipovia i Yesus. Ane rapana ratulisi pura kajadia haitu, nipekiriku dunia hitu ledo masuka rapomboli pura-pura buku ratulisi.

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

1 Korintus 10:11

Haitu pura-pura najadi nte ira ala mompopatora ka tona ntanina. Bo kajadia-kajadia haitu nitulisi riara Buku Gasa ala majadi pepatora ka kita anu natuvu sii-sii ri tempo napara kaupu nu dunia.

1 Yohanes 5:13

Yaku notulisi sura hitu ka komiu topomparasaya Ana nu Alatala, ala rasanimiu mpuu komiu matuvu mabelo sampe ri kasae-saena.