Yohanes 20:24 - Kaili Ledo

²⁴ I Tomas, saito lako ri sapulu randua anaguru i Yesus, niuli muni “Ngana Rapi”. Ia ledo naria nosanggani-nggani ante roa-roana tempo i Yesus nakava nompopakita karoNa ka ira.

Yohanes 20:24 ပူးပေါင်းရင်းမြစ်များ

Matius 18:20

Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

Yohanes 11:16

Bo i Tomas anu nidae “Ngana Rapi” nanguli ka roa-roana anaguru i Yesus, “Anumo, kita mangoseaka Ia ala kita muni mamate mosanggani-nggani ante Ia.”

Yohanes 14:5

Nangulimo i Tomas ka Ia, “Pue, ledo nisani kami hau ri umba rakalauMiu. Jadi berimbamo rasani kami dala hau?”

Yohanes 21:2

Bara sako-ndua anaguru i Yesus nasiromu ri sia, haitumo i Simon Petrus, i Tomas anu nidae “Ngana Rapi”, i Natanael lako ri ngata Kana ri bagia Galilea, bo randua ana i Zebedeus, bo randua anaguruNa ntanina.

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Yohanes 6:71

Tona nipatuju i Yesus iamo i Yudas ana i Simon Iskariot. Apa naupa i Yudas haitu saito lako nte ira sapulu randua, ia haitumo anu mompobalu i Yesus ngena.

Ibrani 10:25

Nee menonto masiromu metupu mosanggani-nggani, mpo kabiasa ntona sanu. Tapi kita kana mosipakaroso rara, nelabipa sii-sii sabana nisanita naparamo kakava i Yesus.