Yohanes 20:21 - Kaili Ledo

²¹ Nanguli vaimo i Yesus, “Kuperapi Alatala mompakatinonto raramiu! Yaku mombasuro komiu, nasimbayu mpo TuamaKu nombasuro Yaku.”

Yohanes 20:21 ပူးပေါင်းရင်းမြစ်များ

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Matius 10:40

Isema-sema nantarima komiu, nitarimana muni Yaku. Bo isema-sema nantarima Yaku, nitarimana Alatala anu nombasuro Yaku.

Lukas 24:36

Da notesa-tesa ira haitu, sampesanika i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 13:20

Pariaramo tesaKu hitu, isema-sema nantarima tona nituduKu, nitarimana muni Yaku. Bo isema-sema nantarima Yaku, nitarimana muni TuamaKu anu nantudu Yaku.”

Yohanes 14:27

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

Yohanes 20:19

Ri eo Aka bongina, ana-anaguru i Yesus nasiromu ri sangu banua. Vamba nu banua haitu nigunji sabana ira naeka ka pakeni ntoYahudi. Sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 20:22

Naupu haitu nitavusiNamo ira ante nosaNa bo nanguli, “Tarimamo Nosa Gasa nu Alatala.

Yohanes 20:26

Naliu valu-mbongi, nasiromu vaimo ana-anaguru i Yesus riara nu banua haitu, bo i Tomas naria muni nosanggani-nggani ante roana ri sia. Vamba nigunji puramo tapi sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 3:17

Apa patuju nu Alatala nombatudu AnaNa makava ri dunia hitu, ledo ala mombahuku manusia tapi ala ira rapakasalamaNa.

Suro-Suro 1:2

sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

2 Timotius 2:2

Niepemumo pepatudukiku bo nadea tona ntanina nangepe bo nosabikina muni. Jadi pepatuduki haitu kana mupatuduki ka tona anu namala raparasaya bo anu nompakule mompatuduki tona ntanina.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

3 Yohanes 1:14

Nisarumakaku domo masae, yaku tou mosinggava nte iko bo mamala kita motesa ri mata.