Yohanes 20:20 - Kaili Ledo

²⁰ Naupu i Yesus nombatabe ira ivesia, nipopakitaNamo paleNa bo usuNa ka ira. Nadamba mpuumo rarara nanggita i Yesus.

Yohanes 20:20 ပူးပေါင်းရင်းမြစ်များ

Matius 28:8

Jadi nalaimo ira nasalisa lako ri dayo. Naeka ira tapi nadamba muni rarara. Nangovamo ira hau manguli anu najadi ka ana-anaguru i Yesus.

Yohanes 16:20

Pariaramo tesaKu hitu, komiu motumangi-mangi mpojea manggita anu majadi nte Yaku, tapi baliKu ri dunia hitu madamba-damba. Raramiu masusa tapi kasusa raramiu mabali majadi madamba.

Yohanes 16:22

Ivesia muni ante komiu. Sii-sii nasusamo raramiu. Tapi Yaku mosinggava vai nte komiu bo tempo haitu komiu madamba mpanjili. Bo ledo maria saitoa tona mamala mompakalipo kadamba nu raramiu haitu.

Yohanes 19:34

Tapi naria saito tantara nombatosu usu i Yesus ante tavalana. Niosunapa tavala haitu, kaliu-liu nesuvumo raa ante uve lako ri usu i Yesus.

Yohanes 20:25

Jadi nanguli ana-anaguruNa ntanina ka i Tomas, “Nikita kamimo i Pue!” Tapi nanguli i Tomas, “Ane dopa kukita valea nu paku ri paleNa bo kudika koya-mpaleku ri bela nu paku, bo ane dopa muni kudika paleku ri valea ntavala ri usuNa, dopa kuparasaya.”

Yohanes 20:27

Naupu haitu, niuliNa ka i Tomas, “Peintamo paleKu hitu. Dikamo koya-mpalemu ri sii. Bo dikamo palemu ri valea ntavala ri usuKu hitu. Tumo mabata-bata raramu, tapi parasayamo!”

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.