Yohanes 20:19 - Kaili Ledo

¹⁹ Ri eo Aka bongina, ana-anaguru i Yesus nasiromu ri sangu banua. Vamba nu banua haitu nigunji sabana ira naeka ka pakeni ntoYahudi. Sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 20:19 ပူးပေါင်းရင်းမြစ်များ

Matius 10:13

Ane mabelo rara ntupu banua haitu bo ratarimara komiu, belo niperapimiu lako nte Alatala kana mambela nte ira. Tapi ane ledo mabelo rarara bo ledo ratarimara mabelo komiu, belo niperapimiu ka ira haitu ledo mambela nte ira.

Matius 18:20

Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

Markus 16:14

Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

Yohanes 14:27

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

Yohanes 16:22

Ivesia muni ante komiu. Sii-sii nasusamo raramiu. Tapi Yaku mosinggava vai nte komiu bo tempo haitu komiu madamba mpanjili. Bo ledo maria saitoa tona mamala mompakalipo kadamba nu raramiu haitu.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Yohanes 20:21

Nanguli vaimo i Yesus, “Kuperapi Alatala mompakatinonto raramiu! Yaku mombasuro komiu, nasimbayu mpo TuamaKu nombasuro Yaku.”

Yohanes 20:26

Naliu valu-mbongi, nasiromu vaimo ana-anaguru i Yesus riara nu banua haitu, bo i Tomas naria muni nosanggani-nggani ante roana ri sia. Vamba nigunji puramo tapi sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 21:1

Naupu haitu, i Yesus nompopakita karoNa sangganipa ka anaguruNa ri bivi Rano Galilea. Iveimo tesana.

Yohanes 21:14

Haitu katalu-ngganina i Yesus nompopakita karoNa ka ana-anaguruNa naliu Ia natuvu mpanjili lako ri kamateNa.

Yohanes 7:13

Tapi ledo ria saitoa tona nabia nanguli ri ngayo ntodea, sabana naeka ira ka pakeni-pakeni ntoYahudi.

Roma 15:33

Kuperapi Alatala, anu nombadekei katuvua nabelo, mombatulungi komiu pura-pura. Amin.

1 Korintus 15:5

Naupu haitu nipopakitaNa karoNa ka i Petrus bo ka ana-anaguruNa sapulu randua.

Efesus 2:14

I Kristus mbotomo nompoposinggabelo kita. Ia nompopakasangu toYahudi bo tona ledo toYahudi. Ia nombadekei karoNa mboto rapatesi manjambei kita, bo ante kamateNa haitu nikabasakaNa kita lako ri Atura-atura agama Yahudi ante pura-pura parenta bo pepatudukina. Haitu nipoviaNa ala mompakaupu posieva anu nirapaka tembo anu nompopogaa toYahudi bo tona ledo toYahudi. Jadi kami toYahudi bo komiu tona ledo toYahudi nipoposinggabeloNa ala kita majadi manusia nabaru anu nosangu rara ante Ia. Ivesiamo Ia nompoposinggabelo kita.

Efesus 6:23

Kuperapi Tuamata Alatala bo i Pue Yesus Kristus mompakatinonto raramiu, bo mompakaroso pepotove bo pomparasayamiu pura-pura.

Filipi 1:2

Kami nerapi Tuamata Alatala bo Tuputa Yesus Kristus mombadekei belo ka komiu bo mompakatinonto raramiu.

2 Tesalonika 3:16

Kuperapi i Pue Yesus bate-batena mompakatinonto raramiu riara mpengaya-ngaya, sabana Iamo puna katinonto. Kuperapi Ia momporoa komiu pura-pura.

Ibrani 7:2

Naupu haitu i Abraham nombabagi pura-pura mbara-mbara nialasina lako ri magau-magau, bo nidekeina sabagia lako ri sapulu bagia ka i Melkisedek. Sanga i Melkisedek haitu, batuana “Magau Nanoa,” bo ia muni Magau ngata Salem anu naria batuana “Magau Topanggeni Posinggabelo.”

3 Yohanes 1:14

Nisarumakaku domo masae, yaku tou mosinggava nte iko bo mamala kita motesa ri mata.

Pompakita 1:4

Sampesuvu-sampesuvu sampomparasaya anu nonturo ri pitu ngata ri propinsi Asia. Yaku i Yohanes, merapi komiu mantarima katinonto bo belo lako nte Alatala anu nariamo lako ri lamba pamulana, bo naria sii-sii, bo maria sampe ri kasae-saena. Bo kuperapi ratarimamiu belo bo katinonto lako nte papitu Nosa nu Alatala anu naria ri ngayo Gadera Kamagaua nu Alatala,