Yohanes 20:14 - Kaili Ledo

¹⁴ Naupu haitu, neili ia bo nikitana i Yesus neangga ri sia, tapi ledo nisanina Iamo mai i Yesus.

Yohanes 20:14 ပူးပေါင်းရင်းမြစ်များ

Matius 28:9

Sampesani nariamo i Yesus nosintomuka ira bo nanguli, “Tabe.” Ira nanggaparai Ia bo nanggapui kadaNa mombasomba Ia.

Markus 16:12

Naliu haitu i Yesus nompopakita karoNa ante lenje ntanina ka randua roaNa tempo ira nolipa hau ri ngata ntanina.

Markus 16:9

[Eo Aka mpadondona, naliu i Yesus natuvu mpanjili lako ri kamateNa, nipopakitaNamo karoNa ka i Maria Magdalena. I Maria haitumo mombine anu nikabasaka i Yesus lako ri kuasa nu seta papitu bara ipia.

Lukas 24:16

Nikitara i Yesus, tapi ledo nisanira Ia apa naria anu nompakabali matara.

Lukas 24:31

Damo rahaitu pade nanoto rarara bo nisanira, Iamo i Yesus. Naupu haitu, napaya ri belaNamo, domo ria nikitara i Yesus.

Lukas 4:30

Tapi i Yesus noliu ri tatangara, bo kapola-pola nalai.

Yohanes 21:4

Nebonda eo, neanggamo i Yesus ri bivi rano, tapi ledo nisani nu anaguruNa Ia haitu i Yesus.

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.