Yohanes 20:13 - Kaili Ledo

¹³ Nekutanamo malaeka-malaeka haitu, “Ina, nakuya komiu notumangi-mangi?” Nesana i Maria, “Tupuku niala ntonamo lako ri sii bo ledo nisaniku ri umba nipombolira.”

Yohanes 20:13 ပူးပေါင်းရင်းမြစ်များ

Lukas 24:17

Nanguli i Yesus ka ira, “Nuapa nitesamiu pangane?” Netaamo ira randua haitu ante buku rara.

Yohanes 19:26

I Yesus nanggita tinaNa neangga hamai ri sinjori anaguru nipotoveNa, niuliNamo ka tinaNa, “Ina, reke anamumo ia.”

Yohanes 2:4

Nanguli i Yesus ka tinaNa, “Ina, nakuya niulimiu ka Yaku? Dopa nakava tempona Yaku mompopakita kuasaKu.”

Yohanes 20:15

Nekutanamo i Yesus, “Ina, nakuya iko notumangi? Isema nielomu?” Nisarumaka i Maria bara topokarajaa ri pampa haitu. Jadi nesanamo ia, “Ane komiu nangala karobataNa lako ri sii, ulimo ka yaku bara ri umba nipombolimiu ala kusani bo hau kuala Ia.”

Yohanes 20:2

Jadi nangovamo ia hau nte i Simon Petrus bo anaguru nipotove i Yesus, bo niulina, “Niala ntonamo karobata i Yesus lako riara nu dayo, bo ledo nisani kami bara ri umba nipombolira!”

Suro-Suro 21:13

Tapi nesana i Paulus, “Nakuya komiu notumangi nompakabuku raraku? Yaku hii nasadiamo hau ri ngata Yerusalem nau yaku rasaka, nau sampe rapatesi sabana pangoseakaku i Pue Yesus!”