Yohanes 2:20 - Kaili Ledo

²⁰ Nanguli vai toYahudi, “Ba! Tona nokarajaa patapulu bo ono-mpae kasaena novia Banua nu Alatala hitu. Berimba Iko mamala mombabanguna mpanjili riara talu-eo?”

Yohanes 2:20 ပူးပေါင်းရင်းမြစ်များ

Matius 24:1

Naupu haitu i Yesus nompalaisi Banua nu Alatala. Tempo Ia nalai, nekaparaimo anaguruNa nombatuduaka ka Ia kagaya nu Banua nu Alatala bo tombi-tombi ri doyatana.

Lukas 21:5

Naria bara sako-ndua notesa ka i Yesus. Nitesara Banua nu Alatala nipakaramba ante vatu-vatu nagaya mpuu bo mbara-mbara naramba nidekei ntona ka Alatala. Tapi nanguli i Yesus,

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

1 Korintus 15:4

Ia nitana ri dayo, bo ri eo katataluna nipakatuvu mpanjili bo haitu muni najadi nangoseaka anu nitulisi riara Buku Gasa.