Yohanes 19:30 - Kaili Ledo

³⁰ Naupu i Yesus nompetami uve anggur napoi haitu niuliNamo, “Naupu puramo.” Naupu haitu notunggamo Ia bo naponjimo.

Yohanes 19:30 ပူးပေါင်းရင်းမြစ်များ

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Matius 27:50

Naupu haitu i Yesus nongare vai ante suara namangga, bo naponjimo nosaNa.

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Markus 15:37

Naupu haitu nongare vaimo i Yesus sangganipa ante suara namangga ntoto bo naponjimo nosaNa.

Lukas 22:37

Sabana, naria anu nitulisi riara Buku Gasa nanguli, ‘Magau Topepakasalama rareke ntona todaa.’ Anu nitulisi haitu mpuu-mpuu majadi ri karoKu. Apa anu nitulisi ri Buku Gasa anu nombatesa Yaku, nipakadupa sii-sii.”

Lukas 23:46

Naupu haitu i Yesus nongare ante suara namangga, “Tata, siimo nyawaKu!” Naupu nanguli ivesia, naponjimo nosaNa.

Yohanes 10:11

“Yakumo hii topoevu nabelo. Yaku nasadia mamate ala bimbaKu matuvu.

Yohanes 10:18

Ledo ria saitoa tona mamala mompatesi Yaku ane ledo Kudekei. Tapi Yakumo anu mombadekei karoKu rapatesi nangoseaka dotaKu mboto. Yaku nakuasa mombadekei karoKu rapatesi bo Yaku nakuasa muni matuvu mpanjili, sabana haitumo niparenta nTuamaKu ka Yaku.”

Yohanes 17:4

NipopaisaniKu kuasa bo kaogeMiu ri dunia hitu ante nompakaupu pokarajaa niparasayaMiu ka Yaku.

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Roma 10:4

Tapi Atura-atura agama domo niparaluu, sabana nariamo i Kristus. Jadi isema-sema nomparasaya i Kristus, majadi nanoa ri panggita nu Alatala

Roma 3:25

Alatala nombadekei i Yesus Kristus rapatesi bo raaNa natiti. Ia nihuku raposompo dosa manusia. Jadi lako ri raaNa natiti, dosata namala raampungi ane kita nomparasaya i Yesus. Tempo nggaulu, Alatala nompalamba dosa manusia. Ledo nihukuNa sabana posabaraNa. Tapi ane ledo rahukuNa dosata, tantu Ia ledo nanoa. Jadi ante kamate i Yesus, Alatala nompopakita kanoaNa.

1 Korintus 5:7

Jadi tedeakamo ragi njaena, haitumo suvurakamo tona nokainggu nadaa, ala komiu majadi todea magasa nasimbayu mpo gando nabaru dopa nambela ragi. Bo komiu nagasa mami, apa i Kristus nipatesi mombasompo dosata nasimbayu mpo ana bimba nipatesi ri Posusa Paskah ntoYahudi.

Filipi 2:8

Bo tempo Ia natuvu mpo manusia, Ia nompakaede raraNa bo natundu nte Alatala sampe namate, nau sampe nipatesi nipaku ri kayu salib mpo tona nadaa.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Ibrani 9:22

Kakanana, nangoseaka Atura-atura agama Yahudi sakidepa pura-pura anu naria nipakagasa ante raa. Bo ane ledo ria katiti nu raa, dosa ledo namala raampungi.