Yohanes 19:28 - Kaili Ledo

²⁸ Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Yohanes 19:28 ပူးပေါင်းရင်းမြစ်များ

Lukas 12:50

Tapi da nariapa peparajea kana Kurasai. Bo nasusa mpuu raraKu ane dopa majadi.

Lukas 18:31

I Yesus nompasiromu sapulu randua anaguruNa pade niulikaNa, “Epemo! Sii-sii kita mantende hau ri ngata Yerusalem. Hamai kana madupa pura-pura anu nitulisi nabi-nabi nggaulu, haitumo anu majadi ante Yaku, Ana nu Manusia.

Lukas 22:37

Sabana, naria anu nitulisi riara Buku Gasa nanguli, ‘Magau Topepakasalama rareke ntona todaa.’ Anu nitulisi haitu mpuu-mpuu majadi ri karoKu. Apa anu nitulisi ri Buku Gasa anu nombatesa Yaku, nipakadupa sii-sii.”

Lukas 9:31

Ira randua neonga riara reme lako ri suruga. Ira notesa kamate i Yesus anu domo masae rapakadupa ri ngata Yerusalem.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 17:4

NipopaisaniKu kuasa bo kaogeMiu ri dunia hitu ante nompakaupu pokarajaa niparasayaMiu ka Yaku.

Yohanes 18:4

Nisani i Yesus puramo anu majadi ri karoNa. Haitu sampe Ia hau nanggaparai tona dea haitu bo nekutana, “Isema nielomiu?”

Yohanes 19:24

Haitu sampe tantara-tantara nanguli, “Nee rabitesita baju ndoe hitu. Agina kita mompenoa lamoro. Isema mambela lamoro, iamo manggava baju hitu.” Haitu najadi ala madupa tesa nitulisi riara Buku Gasa ivei: “Ira momposibagi pakeaKu, bo baju ndoeKu raposipenoara.” Mazmur 22:18 Jadi anu nipovia ntantara-tantara nompakadupa anu nitulisi haitu.

Yohanes 19:30

Naupu i Yesus nompetami uve anggur napoi haitu niuliNamo, “Naupu puramo.” Naupu haitu notunggamo Ia bo naponjimo.

Yohanes 19:36

Pura-pura haitu najadi ala madupa anu nitulisi riara Buku Gasa ivei: “Ledo ria sangua bukuna rapakakoto.”

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Suro-Suro 13:29

Naupu nipandasara i Yesus, evamo nitulisi ri Buku Gasa, karobataNa nitoraka lako ri kayu salib bo niboli riara nu dayo.