Yohanes 19:24 - Kaili Ledo

²⁴ Haitu sampe tantara-tantara nanguli, “Nee rabitesita baju ndoe hitu. Agina kita mompenoa lamoro. Isema mambela lamoro, iamo manggava baju hitu.” Haitu najadi ala madupa tesa nitulisi riara Buku Gasa ivei: “Ira momposibagi pakeaKu, bo baju ndoeKu raposipenoara.” Mazmur 22:18 Jadi anu nipovia ntantara-tantara nompakadupa anu nitulisi haitu.

Yohanes 19:24 ပူးပေါင်းရင်းမြစ်များ

Matius 27:35

Ri siamo ira nombapaku i Yesus ri kayu salib. Naupu haitu, nibagira pakeaNa ante notende lamoro. Isema nambela lamoro, ia manggava pakea haitu.

Markus 15:24

Pade nipakuramo Ia ri kayu salib. Naupu haitu niposibagi-bagiramo pakeaNa ante notende lamoro ala matantu isema rakamalakana.

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Yohanes 10:35

Anu nitulisi riara Buku Gasa haitu ledo nabali-bali tapi bate-batena nakana sampe ri kasae-saena. Ira anu nantarima tesa nu Alatala nggaulu haitu niuliNa ‘ana-ana nu Alatala’,

Yohanes 13:18

Anu niuliKu pangane ledo nambela komiu pura-pura. NisaniKu mamimo tona nipelisiKu, bo kana rapakadupa anu nitulisi riara Buku Gasa ivei: ‘Tona nangande nosanggani-nggani ante Yaku, iamo najadi baliKu.’

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Suro-Suro 13:27

Tona nonturo ri ngata Yerusalem bo pakeni-pakenira ledo nisanira i Yesus Magau Topepakasalama. Ledo muni nisanira batuana pepatuduki nu nabi-nabi anu nibaca ka ira ri eo-eo penonto. Haitumo sampe nihukura mate i Yesus. Bo poviara haitu nompakadupa anu niboto nu nabi-nabi pangane!