Yohanes 19:20 - Kaili Ledo

²⁰ Nadea toYahudi nombaca anu nitulisi ri dopi haitu sabana pompaku i Yesus napara ngata Yerusalem, bo tesa haitu nitulisi riara talu-ngaya basa, haitumo basa Ibrani, basa Latin, bo basa Yunani.

Yohanes 19:20 ပူးပေါင်းရင်းမြစ်များ

Lukas 23:38

Ri kayu salib ri bavo balengga i Yesus nitulisi ivei: HITUMO MAGAU NTOYAHUDI.

Yohanes 19:13

Nangepe peparangga ntoYahudi haitu, nikeni i Pilatusmo i Yesus hau ri savalikuna bo nonturomo ia ri gadera potangara ri ponturo niuli “Jaula Vatu.” Ane riara basa Ibrani, sangana “Gabata.”

Yohanes 19:42

Jadi karobata i Yesus nibolira riara dayo haitu, sabana dayo haitu napara bo domo masae pamulana eo penonto.

Yohanes 5:2

Ri ngata Yerusalem naria bobaa ngata nosanga “Bobaa Bimba”. Napara bobaa haitu naria sangu kola niuli riara basa ntoYahudi Kola Betesda. Nantalili kola haitu naria lima-angu tambale nagaya anu nisouni.

Suro-Suro 21:37

Ira da mesua riara asrama nu tantara, i Paulus nanguli ka tadulako, “Tua, mamala yaku motesa sampalai nte komiu?” Tadulako nesana, “Nisanimu tano nobasa Yunani!

Suro-Suro 21:40

Tadulako haitu nompaloga i Paulus motesa. Jadi i Paulus neangga ri tangga nu asrama bo nombalaeraka palena, ala ira malino mangepe tesana. Nalinomo ira sakide, bo nompamulamo i Paulus notesa ka ira ante basa Ibrani, basa ntoYahudi.

Suro-Suro 22:2

Tempo todea nangepe i Paulus notesa ante basa Ibrani, nalino ntoto ira, bo i Paulus nompapola tesana.

Suro-Suro 26:14

Kami pura-pura nadungga ri tana, bo niepeku suara nanguli ante basa Ibrani ivei: ‘Saulus, Saulus! Nakuya iko nompandasa Yaku? Iko aga mompakasusa karomu mboto ane batena mueva pekeniaka nTupumu!’

Ibrani 13:12

Ivesia muni najadi ante i Yesus. Ia nikeni ri savaliku bobaa ngata Yerusalem bo nipatesi. Ia namate ala raaNa majadi pesomba posompo dosa anu nompakalali dosa ntodeaNa.

Pompakita 16:16

Jadi seta-seta haitu nompasiromu magau-magau ante tantara-tantarara lako ri umba-umba ri dunia, ri ponturo niuli riara basa Ibrani, “Harmagedon.”

Pompakita 9:11

Naria saito magau najadi pakenira, iamo malaeka anu nakuasa mombabuka vamba lovu anu ledo rapakule mantuvu kandalana haitu. Sangana riara basa Ibrani, i Abadon, bo riara basa Yunani i Apolion. Batuana, Toperopu.