Yohanes 19:19 - Kaili Ledo

¹⁹ I Pilatus nantudu tantarana mompataka dopi ri kayu salib i Yesus. Nitulisi ri dopi haitu ivei: I YESUS TONAZARET, MAGAU NTOYAHUDI.

Yohanes 19:19 ပူးပေါင်းရင်းမြစ်များ

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Matius 27:37

Ri toto balenggaNa ri kayu salib haitu nipatakara dopi nitulisi pangadura ivei: HITUMO I YESUS, MAGAU NTOYAHUDI.

Markus 15:26

Ri kayu salibNa naria dopi nitulisi anu nipangadu ka Ia ivei: MAGAU NTOYAHUDI.

Lukas 18:37

Nesana tona, “I Yesus, toNazaret moliu ri sii.”

Lukas 23:38

Ri kayu salib ri bavo balengga i Yesus nitulisi ivei: HITUMO MAGAU NTOYAHUDI.

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 18:33

Nangepe haitu, nesua vaimo i Pilatus hau riara banuana bo nituduna tona manggeni i Yesus ka ia. Bo nipekutanana i Yesus, “Nakana mpuu Iko Magau ntoYahudi?”

Yohanes 19:12

Nangepe tesa i Yesus, nipasimbuku i Pilatusmo mombakabasaka i Yesus. Tapi nongare vaimo toYahudi, “Isema-sema nompangaku karona magau, iamo bali nu Magau Mbaso Kaisar! Jadi ane komiu mombakabasaka tona tutu, komiu muni bali nu Magau Mbaso Kaisar!”

Yohanes 19:14

Tempo haitu nambela eo pompakasadia ka eo penonto, nitasere tongo eo. Nangulimo i Pilatus ka toYahudi, “Siimo magaumiu!”

Yohanes 19:21

Nanggita haitu, nangulimo balengga-balengga ntopanggeni agama ka i Pilatus, “Nee ratulisimiu Magau ntoYahudi. Agina ratulisimiu ‘Panguli ntona hitu, iamo Magau ntoYahudi.’ ”

Yohanes 19:3

Nikaparaira i Yesus bo nipongei-ngeikara bo niulira, “Tabe, Magau ntoYahudi!” Bo nisaparamo lenje i Yesus.

Suro-Suro 26:9

Ivesia muni yaku bara ipia. Nisarumakaku kana kupasimbuku mangeva tona nomparasaya i Yesus toNazaret.

Suro-Suro 3:6

Tapi nanguli i Petrus ka ia, “Yaku ledo naria doiku, tapi anu naria nte yaku, haitumo kudekei ka iko. Ante kuasa i Yesus Kristus toNazaret, polipamo!”