Yohanes 19:17 - Kaili Ledo

¹⁷ Nesuvumo Ia lako ri ngata haitu bo nisimbuakaNa mboto kayu salibNa hau ri ponturo niuli “Bulu Banga Balengga.” Riara basa Ibrani sangana “Golgota.”

Yohanes 19:17 ပူးပေါင်းရင်းမြစ်များ

Matius 10:38

Bo tona ledo nanjimbuaka kayu salibna bo nangoseaka Yaku, ia ledo masipato rauli topangoseaka Yaku.

Matius 16:24

Naupu sia pade niulikaNa ana-anaguruNa, “Isema-sema madota mangoseaka Yaku, ia kana mombakabasaka dotana mboto bo mpuu-mpuu mangoseaka Yaku. Ia kana majadi nasimbayu eva tona nanjimbuaka kayu salibna, haitumo, ia kana masadia rapandasa nau ia rapatesi sabana nangoseaka Yaku.

Matius 27:37

Ri toto balenggaNa ri kayu salib haitu nipatakara dopi nitulisi pangadura ivei: HITUMO I YESUS, MAGAU NTOYAHUDI.

Markus 10:21

Naasi mata i Yesus nangganoto tona haitu bo niuliNa, <>

Markus 15:26

Ri kayu salibNa naria dopi nitulisi anu nipangadu ka Ia ivei: MAGAU NTOYAHUDI.

Markus 15:32

Ane Ia mpuu-mpuu Magau ntoIsrael, Magau Topepakasalama, agina Ia manau lako ri kayu salib ala rakitata bo raparasayata Ia!>> Bo tona nipaku ri kayu salib ri sinjori i Yesus muni nombadee Ia.

Markus 8:34

Naliu haitu, nirondeNamo todea bo anaguruNa bo niulikaNa, <

Lukas 14:27

Isema-sema ledo madota manjimbuaka kayu salibna bo mangoseaka Yaku, ledo mamala majadi topangoseaka Yaku.

Lukas 23:26

Naupu haitu nikenira i Yesus hau rapatesira. Ri tatanga dala, nipotomuramo saito toKirene nosanga i Simon. Ia dako nakava ri kota Yerusalem. Nipopetaara ia bo nibarusura manjimbuaka kayu salib i Yesus ri puriNa.

Lukas 23:33

Tempo nakava ri buntina nosanga Banga Balengga, nipakuramo i Yesus ri kayu salib. Bo tona nadaa randua haitu nipakura munimo ri kayu salib ntanina, saito ri sabingga nggana i Yesus, bo saito ri sabingga njidiNa.

Lukas 23:38

Ri kayu salib ri bavo balengga i Yesus nitulisi ivei: HITUMO MAGAU NTOYAHUDI.

Lukas 9:23

Naupu sia niulikaNa todea ri sia, “Isema-sema madota mangoseaka Yaku, kana rakabasakana dotana mboto. Ia kana manjimbuaka kayu salibna eo-eo. Haitumo, ia kana masadia rapandasa nau sampe rapatesi bo mpuu-mpuu mangoseaka parentaKu.

Yohanes 19:13

Nangepe peparangga ntoYahudi haitu, nikeni i Pilatusmo i Yesus hau ri savalikuna bo nonturomo ia ri gadera potangara ri ponturo niuli “Jaula Vatu.” Ane riara basa Ibrani, sangana “Gabata.”

Yohanes 5:2

Ri ngata Yerusalem naria bobaa ngata nosanga “Bobaa Bimba”. Napara bobaa haitu naria sangu kola niuli riara basa ntoYahudi Kola Betesda. Nantalili kola haitu naria lima-angu tambale nagaya anu nisouni.

Suro-Suro 7:58

Nidiisakara hau ri savaliku ngata, bo nirempera vatu. Sabi-sabi mpodava ri Polibu Mbaso pangane, nombavonju bajura bo nibolira nte tona nosanga i Saulus, ala mabelo ira mombarempe i Stefanus.