Yohanes 18:36 - Kaili Ledo

³⁶ Nesana i Yesus, “PoparentaKu ledo nopuna lako ri dunia hitu. Ane rapana Yaku masimbayu nte magau lako ri dunia hitu, natantumo topangoseaka Yaku kana meeva ala Yaku ledo rasaka bo rakeni ka pakeni-pakeni ntoYahudi. Tapi poparentaKu ledo nopuna lako ri dunia hitu.”

Yohanes 18:36 ပူးပေါင်းရင်းမြစ်များ

Matius 26:53

Nisarumakamiu ledo mamala Yaku merapi tulungi nte TuamaKu Alatala? Ane mekitulungi Yaku, masalisa ratuduNa melabi sapulu randua lunu malaekaNa mantulungi Yaku!

Lukas 12:14

Nesanamo i Yesus, “Sampesuvu, isema nanganggataka Yaku majadi topobagi kakalumana ka komiu?”

Yohanes 18:35

Nanguli i Pilatus, “Nisaniku tano? Yaku ledo toYahudi! TodeaMu mboto bo balengga-balengga ntopanggeni agama nanggeni Iko tumai nte yaku. Sala nuapa ntoto nipoviaMu?”

Yohanes 6:15

Nisani i Yesus ira nopatuju makava mompasuu Ia majadi magaura. Jadi nalaimo Ia saitoNa hau ri bulu.

Yohanes 8:15

Komiu nompakasala tona nangoseaka pompekirimiu mboto. Yaku ledo nompakasala tona.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

1 Timotius 6:13

Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei: