Yohanes 18:26 - Kaili Ledo

²⁶ Naria munimo saito batua nu Pakeni nTopanggeni Pesomba ri sia. Ia nambela raposampesuvu ntona napudu talingana nisoesi i Petrus. Ia muni nekutana, “Ledo iko nikitaku ri pampa nosanggani-nggani ante i Yesus pangane?”

Yohanes 18:26 ပူးပေါင်းရင်းမြစ်များ

Matius 26:73

Dopa nasae, tona neangga hamai nanggaparai i Petrus bo nanguli, “Natantumo iko muni topangoseaka i Yesus, apa nalanto lako ri enggo ntesamu iko toGalilea!”

Lukas 22:58

Dopa nasae naria vai tona ntanina ri sia nanggita i Petrus bo nanguli ka ia, “Iko muni saito roara!” Tapi nanguli i Petrus, “Ledo! Ledo yaku, le!”

Yohanes 18:1

Naupu i Yesus nosambaya, haumo Ia nosanggani-nggani ante ana-anaguruNa hau ri sambote salu Kidron. Hamai naria sangu pampa. I Yesus ante anaguruNa hau nesua riara pampa haitu.

Yohanes 18:10

Nangepe haitu, i Simon Petrus nombabitu gumana bo nisoena batua nu Pakeni nTopanggeni Pesomba anu nosanga i Malkus, napudu talinga ngganana.