Yohanes 18:17 - Kaili Ledo

¹⁷ Nesuapa i Petrus, nangulimo mombine nojaga bobaa haitu, “Apa ledo iko muni saito anaguruNa tano?” Nesana i Petrus, “Ledo!”

Yohanes 18:17 ပူးပေါင်းရင်းမြစ်များ

Matius 26:33

Nanguli i Petrus, “Nau ira pura-pura moura mompalaisi Komiu, yaku ledo ntoto moura!”

Lukas 22:54

Nisakara mpuumo i Yesus bo nikenira hau ri banua nu Pakeni nTopanggeni Pesomba. I Petrus netuntuni nggavao lako ri purina.

Yohanes 18:16

Tapi i Petrus nepopea ri savaliku bobaa. Jadi anaguru ntanina anu niposisani nu Pakeni haitu, nanjili hau ri savalikuna. Bo nitesana ka mombine nojaga bobaa ala i Petrus radekei mesua riara doyata haitu. Bo nikenina i Petrus nesua riarana.

Yohanes 18:25

Tempo i Simon Petrus da nanderu mpeangga ri sia, naria vaimo tona nekutana nte ia, “Apa ledo iko muni saito anaguru ntona haitu?” Tapi nesapu vaimo i Petrus, “Ledo!”

Yohanes 18:5

Nesanamo ira, “I Yesus toNazaret.” Nesanamo i Yesus, “Yakumo hii i Yesus.” I Yudas topompobalu i Yesus neangga ri sia nosanggani-nggani nte tona dea haitu.

Yohanes 18:8

Bo nangulimo i Yesus, “NiuliKumo ka komiu pangane, Yakumo hii i Yesus. Ane Yaku mpuu nielomiu, palogamo roaKu hitu malai.”

Yohanes 21:15

Naupu ira nangande, i Yesus nompekutana i Simon Petrus, “Simon, ana i Yohanes, nambasopa tovemu ka Yaku pade tove nu roa-roamu haitu?” Nesana i Petrus, “Iyo, nisaniMiu mboto, Pue, nipotoveku Komiu.” Nanguli Yesus ka ia, “Ane ivesia, piaramo ana-ana bimbaKu.”

Suro-Suro 12:13

I Petrus nantanede vamba ri savalikuna bo saito batua mombine nosanga i Rode, nakava mombaungge vamba.