Yohanes 18:15 - Kaili Ledo

¹⁵ I Simon Petrus bo saito anaguru ntanina nantuntuni i Yesus. Anaguru saito haitu nosisani ante Pakeni nTopanggeni Pesomba. Jadi ia namala nesua nosanggani-nggani ante i Yesus ri doyata banua nu Pakeni haitu.

Yohanes 18:15 ပူးပေါင်းရင်းမြစ်များ

Matius 26:3

Tempo haitu balengga-balengga ntopanggeni pesomba bo totua-totua ntoYahudi nasiromu ri banua nu Pakeni nTopanggeni Pesomba anu nosanga i Kayafas.

Markus 14:54

I Petrus netuntuni nggavao ri puri i Yesus bo todea sampe nesua riara doyata nu banua nu Pakeni nTopanggeni Pesomba. Nakava hamai, nonturomo ia nanderu nosanggani-nggani ante topojaga.

Lukas 22:54

Nisakara mpuumo i Yesus bo nikenira hau ri banua nu Pakeni nTopanggeni Pesomba. I Petrus netuntuni nggavao lako ri purina.

Yohanes 18:24

Naupu haitu, i Hanas nantudu tona manggeni i Yesus nitipunggura haitu hau nte i Kayafas anu najadi Pakeni nTopanggeni Pesomba mpae haitu.

Yohanes 18:28

Da bobayana ntoto, nikeniramo i Yesus lako ri banua i Kayafas hau ri banua nu Gubernur. Pakeni-pakeni ntoYahudi mboto ledo nesua riara banua Gubernur Pilatus haitu, sabana ira majadi maruto nangoseaka Atura-atura agamara, bo ledo mamala mangande kandea posusa Paskah ngena.