Yohanes 18:12 - Kaili Ledo

¹² Naupu haitu tantara-tantara nu Magau Mbaso Roma ante balenggara bo topojaga Banua nu Alatala nombasaka i Yesus bo nitipunggura paleNa.

Yohanes 18:12 ပူးပေါင်းရင်းမြစ်များ

Matius 26:57

Bo toposaka i Yesus nanggeni Ia hau ri banua i Kayafas, Pakeni nTopanggeni Pesomba. Tempo haitu, guru-guru agama bo totua-totua ntoYahudi lave nasiromu hamai mamimo.

Matius 27:2

Nitipunggura Ia bo nikenira hau nte Gubernur Pilatus.

Matius 27:27

Naupu sia tantara nu Gubernur nanggeni i Yesus hau ri tombi potangara riara Banua Gubernur bo nirondera pura-pura roara nasiromu nantagui i Yesus.

Markus 14:53

I Yesus nikenira hau ri banua Pakeni nTopanggeni Pesomba. Pura-pura balengga-balengga ntopanggeni pesomba, guru-guru agama, bo totua-totua ntoYahudi lave nasiromu mamimo hamai.

Markus 15:1

Sanggaeo mpisina, pura-pura balengga-balengga ntopanggeni pesomba ante guru-guru agama, totua-totua, bo topolibu ntanina lako ri Polibu Mbaso Agama, nasintuvu bo nosangu patujumo. Nitipungguramo i Yesus pade nikenira hau nte Gubernur Pilatus.

Lukas 22:54

Nisakara mpuumo i Yesus bo nikenira hau ri banua nu Pakeni nTopanggeni Pesomba. I Petrus netuntuni nggavao lako ri purina.

Yohanes 18:3

Jadi i Yudas nanggeni salunu tantara nu Magau Mbaso Roma bo topojaga Banua nu Alatala hau ri pampa haitu. Ira nitudu nu balengga-balengga ntopanggeni pesomba bo toFarisi. Nikenira poindo, sulo bo pareva posieva.

Suro-Suro 10:1

Ri ngata Kaisarea naria saito langgai nosanga i Kornelius. Ia tantara nu Magau Mbaso Kaisar bo ia balengga ntantara anu nombabalenggai saatu tantara ntanina anu niuli Lunu ntoItalia.

Suro-Suro 21:31

Tempo topegado haitu nompasimbuku mompatesi i Paulus, naria tona hau nopakiluka tadulako Magau Mbaso ivei: “Nagadomo njumangu ngata Yerusalem!”

Suro-Suro 21:37

Ira da mesua riara asrama nu tantara, i Paulus nanguli ka tadulako, “Tua, mamala yaku motesa sampalai nte komiu?” Tadulako nesana, “Nisanimu tano nobasa Yunani!

Suro-Suro 23:10

Posinggarau haitu mpuu-mpuu nakanano, sampe tadulako naeka mbelaka raposibitesi ntodea i Paulus. Sia sampe nituduna tantarana mangala i Paulus lako ri tatanga ntodea haitu bo nanggeni ia hau ri asrama tantara.