Yohanes 18:11 - Kaili Ledo

¹¹ Tapi nangulimo i Yesus ka i Simon Petrus, “Pasua gumamu! Nisarumakamu Kupoara peparajea nidekei nTuamaku ka Yaku tano?”

Yohanes 18:11 ပူးပေါင်းရင်းမြစ်များ

Matius 20:22

Tapi nanguli i Yesus ka anana, “Ledo nisanimiu nuapa niperapimiu. Rapakulemiu mombarasai pepandasa anu Kurasai?” Nesana ira, “Rapakule kami!”

Matius 26:39

Naupu haitu, i Yesus napola haunapa sakide lako nte ira tatalu bo notungga sampe ri tana nosambaya. NiuliNa, “Tata, ane mamala, Kuperapi ala peparajea anu rapambela ka Yaku, nee rapambela ka Yaku. Tapi nee dotaKu majadi, damo aga dotaMiu majadi!”

Matius 26:42

Naupu haitu, hau vaimo i Yesus saitoNa nosambaya. NiuliNa, “Tata, ane peparajea hitu ledo mamala raala lako nte Yaku, palambamo, damo dotaMiu majadi.”

Lukas 12:30

Haitu pura anu nielo ntona ledo nosisani nte Alatala. Tapi ledo paraluu makini raramiu, sabana Alatala Tuamamiu, nisaniNa pura-pura anu niparaluumiu.

Lukas 22:42

“Tata, ane rapodotaMiu, lelakasimo peparajea hitu anu rapambela ka Yaku. Tapi nee dotaKu majadi, tapi dotaMiu majadi.”

Yohanes 15:10

Ane raoseakamiu parenta-parentaKu, komiu bate-batena mombarasai pepotoveKu, nasimbayu mpo Yaku muni nangoseaka parenta nTuamaKu bo bate-batena nombarasai pepotoveNa.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 18:36

Nesana i Yesus, “PoparentaKu ledo nopuna lako ri dunia hitu. Ane rapana Yaku masimbayu nte magau lako ri dunia hitu, natantumo topangoseaka Yaku kana meeva ala Yaku ledo rasaka bo rakeni ka pakeni-pakeni ntoYahudi. Tapi poparentaKu ledo nopuna lako ri dunia hitu.”

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

2 Korintus 10:4

Kami ledo nangeva ante pompakule nu manusia biasa. Tapi kami nangeva ante pompakule nidekei nu Alatala. Pompakule haitu nabaraka, jadi kami nompakule nombadagi nuapa-nuapa nangeva pepatuduki nakana. Kami namala nirapaka tantara anu nompakaropu kuasa nu balira nau bara berimba karosona.

2 Korintus 6:7

Nalantomo kami batua nu Alatala sabana kami nompatolele pepatuduki nakana, bo kuasa nu Alatala nikita riara nggatuvu kami. Kami batena nokainggu nanoa. Bo pokainggu nanoa haitumo najadi pareva posieva kami, apa ane nanoa pokainggu kami, kami mamala mangeva bali kami bo kami mamala manjaliku karo kami lako ri peeva nu bali.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.