Yohanes 17:9 - Kaili Ledo

⁹ Yaku mosambaya ka ira. Ledo pura-pura manusia Kuposambayaka tapi aga ira anu nidekeiMiu ka Yaku, sabana ira haitu mpuu-mpuu todeaMiu.

Yohanes 17:9 ပူးပေါင်းရင်းမြစ်များ

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Lukas 8:34

Tempo topojaga bavu haitu nanggita bavu nijagaira namate puramo, nangovamo ira hau nombatesa kajadia haitu ka tona rangatara bo ri ngata ntanina napara ri sia.

Yohanes 14:16

Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena.

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 17:20

“Ledo aga anaguruKu hitu Kuposambayaka, tapi Kuposambayaka muni pura-pura tona anu majadi topomparasaya Yaku bara maipia sabana raepera tesa-tesa rapatolele nu anaguruKu hitu.

Yohanes 17:6

“Tata, nipopaisaniKumo Komiu ka tona nidekeiMiu ka Yaku lako ri dunia hitu. Ira todeaMiu mami, bo ira nidekeiMiu muni ka Yaku. Nioseakaramo tesaMiu

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Yohanes 6:39

Bo iveimo dota nu Alatala anu nantudu Yaku, ala ledo malipo nau saitoa lako ri pura-pura tona nidekeiNa ka Yaku. Ira pura-pura kana Kupakatuvu mpanjili ri kaupu nu dunia.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.