Yohanes 17:23 - Kaili Ledo

²³ Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Yohanes 17:23 ပူးပေါင်းရင်းမြစ်များ

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

Yohanes 13:35

Ane mosimpotove komiu, rasani ntodeamo komiu mpuu-mpuu ana-anaguruKu.”

Yohanes 14:10

Dopa niparasayamu Yaku nasimbayu nte TuamaKu bo TuamaKu nasimbayu nte Yaku? Anu niuliKu ka komiu pura-pura, ledo tesaKu mboto tapi tesa lako nte TuamaKu anu nosangu rara nte Yaku. Iamo anu novia pura-pura pokarajaa haitu.

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

Yohanes 15:9

Yaku nompotove komiu nasimbayu mpo TuamaKu nompotove Yaku. Komiu kana maroo mosangu rara nte Yaku ala rarasaimiu pepotoveKu.

Yohanes 16:27

Sabana, TuamaKu mboto nompotove komiu. Ia nompotove komiu sabana komiu nompotove Yaku bo niparasayamiumo Yaku hii nakava lako nte Ia.

Yohanes 17:11

Domo masae Yaku monturo ri dunia hitu. Yaku tou nte Komiu, tapi anaguruKu da monturo ri dunia hitu. O, Tata! Komiu nagasa! Jagaimo ira ante kuasaMiu, haitumo kuasa nidekeiMiu ka Yaku. Jagaimo ira ala ira mosangu rara nasimbayu mpo Yaku nosangu rara nte Komiu.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 17:26

NipopaisaniKumo Komiu ka ira. Bo da Kupopaisani hanupa Komiu ka ira ala Ira mompotove tona ntanina nasimbayu mpo Komiu nompotove Yaku, bo ala Yaku mboto monturo riara ntaira.”

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 17:8

Apa nitesaKu ka ira puramo tesa niuliMiu ka Yaku, bo tesa-tesa haitu nitarimara puramo. Tata, nisanira Yaku mpuu-mpuu nakava lako nte Komiu, bo niparasayara Komiu nantudu Yaku.

Yohanes 3:17

Apa patuju nu Alatala nombatudu AnaNa makava ri dunia hitu, ledo ala mombahuku manusia tapi ala ira rapakasalamaNa.

Yohanes 6:56

Isema-sema mangande isi karoKu bo manginu raaKu, iamo maroo mosangu rara ante Yaku bo Yaku maroo mosangu rara ante ia.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Filipi 3:15

Jadi, kita toroso nomparasaya kana mosangu pekiri mompasimbuku mangoseaka i Kristus evamo niuliku pangane. Tapi ane maria pekirimiu da nosisala nte pekiriku, damo Alatala mboto mompakanoto raramiu.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 2:2

Yaku nompasimbuku ala raramiu pura-pura rapakaroso bo komiu mosangu rara bo mosimpotove. Apa ane ivesia, pomparasayamiu mpuu-mpuu maroso bo komiu ledo molengga-lengga sabana nisanimiumo anu nakana. Jadi komiu mosisani belo nte i Kristus, Iamo poko nia nu Alatala, nia anu nitabuniaka lako ri nggauluname.

Kolose 3:14

Tapi nelabipa pade pura-pura pangane, kita kana mosimpotove. Sabana, ane kita todea topomparasaya nosimpotove, kita mpuu-mpuu nosangu rara.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

1 Yohanes 4:19

Kita nepotove sabana Alatala nokolu nompotove kita.

Pompakita 3:9

Naria tona najadi todea Magau nu Seta anu nanguli iramo toYahudi, tano mai ledo, aga davara. Tapi epemo! Ira kana Kupopantaputu ri ngayomiu. Bo raulira Yaku mpuu-mpuu nompotove komiu.