Yohanes 17:22 - Kaili Ledo

²² NidekeiKu ka iramo kaoge nidekeiMiu ka Yaku ala ira mosangu rara nasimbayu mpo Kita muni nosangu rara.

Yohanes 17:22 ပူးပေါင်းရင်းမြစ်များ

Markus 6:7

NirondeNa sapulu randua anaguruNa bo nituduNa ira randua-randua hau mompatolele Kareba Belo. NidekeiNa kuasa ka ira mompopalai seta-seta.

Lukas 22:30

Jadi komiu muni madamba mangande bo manginu ante Yaku ri PoparentaKu tempo Yaku majadi Magau. Bo komiu monturo ri sapulu randua gadera magau bo momparenta tona lako ri sapulu randua valaa ntoIsrael.”

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Roma 8:30

Bo kita anu nipakatantuNa lako ri lamba pamulana haitu, nipokioNa majadi todeaNa. Bo kita anu nipokioNa majadi todeaNa, nirekeNa nanoa ri panggitaNa. Bo kita anu nirekeNa nanoa, radekeiNa bagia ri kakuasaNa bo kaogeNa mboto.

2 Korintus 3:18

Sii-sii lenjeta ledo nisalibumbu mpo lenje i Musa nggaulu, apa kita nompopakita kaoge i Pue Yesus riara nggatuvuta. Bo kaoge haitu nakava lako nte Tupu, haitumo Nosa Gasa anu natuvu riara ntaita. Nosa Gasa sakide-sakide nombabaliki kita majadi nasimbayu mpo i Pue Yesus, ala sakide-sakide mantambaipa kaogeNa rakita riara nggatuvuta.

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Efesus 2:20

Kita topomparasaya i Kristus nirapaka gana-gana nu banua nibangu nu Alatala. Suro-suro i Kristus bo nabi-nabi nirapaka pandasi nu banua haitu. I Yesus Kristus nirapaka vatu nu pandasi anu nelabi nopoko.

Filipi 1:29

Apa Alatala nompaloga komiu nokarajaa nombatulungi i Kristus, haitumo, komiu ledo aga nipalogaNa momparasaya i Kristus, tapi nipalogaNa muni komiu mombarasai susa bo pari sabana komiu topomparasaya Ia.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

1 Yohanes 3:24

Isema-sema nanturusi parenta nu Alatala, iamo natuvu nosangu rara ante Alatala bo Alatala muni nonturo riara ntaina. Bo nisanita Alatala nosangu rara ante kita sabana Nosa Gasa nidekeiNa naria riara ntaita.

1 Yohanes 4:17

Ane kita nompotove sampesuvuta sampomparasaya, haitumo tandana kita mpuu-mpuu nompotove Alatala sampe ledo makaja rarata mantingayo Ia ri Eo Potangara ri kaupu dunia. Ledo makaja rarata mantingayo Ia sabana pokaingguta ri dunia hitu masimbayu mpo pokainggu i Kristus.

Pompakita 21:14

Tembo ngata haitu nipopeangga ri bavo sapulu rolonta vatu pandasi bo ri vatu pandasi haitu naria nitulisi sanga sapulu randua suro nu Ana Bimba.