Yohanes 17:18 - Kaili Ledo

¹⁸ NituduKu ira hau nte tona ntanina riara dunia hitu, nasimbayu mpo Yaku nituduMiu tumai ri dunia.

Yohanes 17:18 ပူးပေါင်းရင်းမြစ်များ

Matius 10:5

Ira sapulu randua nisuro i Yesus hau manggeni Kareba Belo bo nitevaiNa ivei: “Nee hau ri ngata-ngata ntona ledo toYahudi bara ngata-ngata ntoSamaria.

Matius 23:34

Pariaramo! Kutudu nabi-nabi bo tona nanoto bo guru-guru tou mompatuduki tesaKu ka komiu. Sanu rapatesimiu, sanu rapakumiu ri kayu salib, bo sanupa racambumiu riara banua-banua petupumiu. Bo sanupa raraga-ragamiu lako ri sangu ngata hau ri ngata ntanina.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 17:23

Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Yohanes 17:25

O, Tata, Komiu nanoa! Manusia ri dunia hitu ledo nosisani nte Komiu, tapi Yaku nosisani nte Komiu. Bo anaguruKu hitu nisanira Komiu nantudu Yaku.

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 17:8

Apa nitesaKu ka ira puramo tesa niuliMiu ka Yaku, bo tesa-tesa haitu nitarimara puramo. Tata, nisanira Yaku mpuu-mpuu nakava lako nte Komiu, bo niparasayara Komiu nantudu Yaku.

Yohanes 20:21

Nanguli vaimo i Yesus, “Kuperapi Alatala mompakatinonto raramiu! Yaku mombasuro komiu, nasimbayu mpo TuamaKu nombasuro Yaku.”

Yohanes 3:17

Apa patuju nu Alatala nombatudu AnaNa makava ri dunia hitu, ledo ala mombahuku manusia tapi ala ira rapakasalamaNa.

Yohanes 4:38

Komiu Kutudu hau mokato anu ledo nitudamiu. Tona ntanina notuda bo komiumo mangala asele mpanggaviara.”

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

Efesus 3:7

Lako ri kabelo nu raraNa, Alatala nombadekei ka yaku pokarajaa nompatolele Kareba Belo. Bo lako ri kuasaNa anu nokarajaa riara ntaiku, nipopompakuleNa yaku mompapola pokarajaa haitu.