Yohanes 16:26 - Kaili Ledo

²⁶ Tempo haitu komiu mbotomo merapi nte TuamaKu sabana komiu nangoseaka Yaku. Ledo paraluu Kuperapi nuapa-nuapa lako nte TuamaKu ka komiu.

Yohanes 16:26 ပူးပေါင်းရင်းမြစ်များ

Yohanes 14:16

Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena.

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 16:19

Nisani i Yesus ira madota mompekutana Ia. Jadi niulikaNa ira ivei: “NikitaKu komiu nosipekutana nuapa patuju ntesaKu pangane tempo niuliKu ‘Sampalaipa domo rapeintamiu Yaku bo ledo masae kaliuna haitu, rapeintamiu vaimo Yaku’.

Yohanes 16:23

Tempo haitu, komiu domo mekutana nuapa-nuapa nte Yaku. Pariaramo tesaKu. Nuapa-nuapa raperapimiu lako nte TuamaKu sabana komiu nangoseaka Yaku, kana radekeiNa ka komiu.

Yohanes 16:30

Nisani kamimo Komiu nangisani mpengaya-ngaya. Ledo paraluu tona nompekutana Komiu sabana nisaniMiu mamimo pompekutanara. Haitumo sampe niparasaya kamimo Komiu mpuu-mpuu nakava lako nte Alatala.”

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 17:9

Yaku mosambaya ka ira. Ledo pura-pura manusia Kuposambayaka tapi aga ira anu nidekeiMiu ka Yaku, sabana ira haitu mpuu-mpuu todeaMiu.

Roma 8:34

Isema mabia mompakasala kita? Ledo ntoto ria, sabana i Kristus namate mantolosi dosata. Bo ledo aga haitu, Ia nipakatuvu mpanjili bo nonturo ri panggana nu Alatala ri suruga, bo Iamo nanjaliku kita ri ngayo nu Alatala.