Yohanes 16:23 - Kaili Ledo

²³ Tempo haitu, komiu domo mekutana nuapa-nuapa nte Yaku. Pariaramo tesaKu. Nuapa-nuapa raperapimiu lako nte TuamaKu sabana komiu nangoseaka Yaku, kana radekeiNa ka komiu.

Yohanes 16:23 ပူးပေါင်းရင်းမြစ်များ

Matius 21:22

Ane komiu momparasaya Alatala, nuapa-nuapa raperapimiu riara mposambayamiu majadi mpuu.”

Matius 7:7

“Perapimo nte Alatala bo radekeiNa ka komiu. Elomo bo rakavamiu. Tanedemo vamba bo vamba raunggeNa ka komiu.

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 14:22

Bo nekutana i Yudas (ledo i Yudas Iskariot), “Pue, nuapa sabana Komiu aga mompopaisani karoMiu ka kami, ledo ka pura-pura manusia ri dunia?”

Yohanes 14:5

Nangulimo i Tomas ka Ia, “Pue, ledo nisani kami hau ri umba rakalauMiu. Jadi berimbamo rasani kami dala hau?”

Yohanes 15:7

Ane komiu maroo mosangu rara nte Yaku bo tesaKu maroo riara ntaimiu, perapimo nuapa-nuapa nipokonomiu bo radekei ka komiu.

Yohanes 16:19

Nisani i Yesus ira madota mompekutana Ia. Jadi niulikaNa ira ivei: “NikitaKu komiu nosipekutana nuapa patuju ntesaKu pangane tempo niuliKu ‘Sampalaipa domo rapeintamiu Yaku bo ledo masae kaliuna haitu, rapeintamiu vaimo Yaku’.

Yohanes 16:26

Tempo haitu komiu mbotomo merapi nte TuamaKu sabana komiu nangoseaka Yaku. Ledo paraluu Kuperapi nuapa-nuapa lako nte TuamaKu ka komiu.

Yohanes 16:30

Nisani kamimo Komiu nangisani mpengaya-ngaya. Ledo paraluu tona nompekutana Komiu sabana nisaniMiu mamimo pompekutanara. Haitumo sampe niparasaya kamimo Komiu mpuu-mpuu nakava lako nte Alatala.”

Efesus 2:18

Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.