Yohanes 16:22 - Kaili Ledo

²² Ivesia muni ante komiu. Sii-sii nasusamo raramiu. Tapi Yaku mosinggava vai nte komiu bo tempo haitu komiu madamba mpanjili. Bo ledo maria saitoa tona mamala mompakalipo kadamba nu raramiu haitu.

Yohanes 16:22 ပူးပေါင်းရင်းမြစ်များ

Matius 28:8

Jadi nalaimo ira nasalisa lako ri dayo. Naeka ira tapi nadamba muni rarara. Nangovamo ira hau manguli anu najadi ka ana-anaguru i Yesus.

Lukas 10:42

Tano mai aga sangaya nopoko, haitumo mangepe tesa nu Alatala. I Maria nompelisi tobelona, anu ledo mamala raalasi ntona lako nte ia.”

Lukas 16:25

Tapi nesana i Abraham, ‘Toramo anaku, tempo iko ri dunia, nikavamu puramo belona, tapi i Lazarus aga nanggava anu nadaa. Sii-sii ia nipakadamba, bo iko nipandasa.

Lukas 19:26

Nesana madika haitu, ‘Kuuli ka komiu, isema-sema namala raparasaya ante anu nidekei ka ia, kana ratambai ka ia. Tapi isema-sema ledo namala raparasaya, anu naria sakide nte ia ralelakasi lako nte ia.

Lukas 24:41

Nadamba mpuu rarara tapi nokumaa muni. Da nonggai rarara. Jadi i Yesus nanguli vai ka ira, “Naria anu rakande ri sii?”

Yohanes 14:1

Nanguli i Yesus ka ana-anaguruNa, “Nee masusa raramiu. Parasayamo Alatala, bo parasaya munimo Yaku.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Yohanes 14:27

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

Yohanes 16:16

I Yesus nompapola tesaNa ka anaguruNa ivei: “Sampalaipa domo rapeintamiu Yaku. Ledo masae kaliuna haitu, rapeintamiu vaimo Yaku.”

Yohanes 16:20

Pariaramo tesaKu hitu, komiu motumangi-mangi mpojea manggita anu majadi nte Yaku, tapi baliKu ri dunia hitu madamba-damba. Raramiu masusa tapi kasusa raramiu mabali majadi madamba.

Yohanes 16:6

Nasusa mpuu raramiu sabana niuliKu pangane Yaku malai.

Yohanes 21:7

Anaguru anu nipotove i Yesus nanguli ka i Petrus, “I Pue, tano!” Niepe i Petrus tesa haitu, nipasuana mpanjili bajuna, sabana ia ledo nobaju pangane. Bo nekavantumo ia hau riara rano norabu hau ri kabatana.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Suro-Suro 13:52

Topangoseaka i Yesus ri ngata Antiokhia nadamba mpuu rarara, bo ira nikeniaka nu Nosa Gasa nu Alatala.

Suro-Suro 16:25

Nitasere natanga bongina, i Paulus bo i Silas nosambaya bo nodade nantoiya Alatala. Tona ntanina nitarunggu ri sia nompetalingai ira nodade.

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

Ibrani 6:18

Pojanji bo posumpaNa haitu ledo mabali. Alatala ledo ntoto nodava. PatujuNa nojanji ivesia ala kita anu nekisaliku nte Ia maroso rarata sampe kita maroo manjarumaka anu nijanjiNa haitu.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.