Yohanes 16:19 - Kaili Ledo

¹⁹ Nisani i Yesus ira madota mompekutana Ia. Jadi niulikaNa ira ivei: “NikitaKu komiu nosipekutana nuapa patuju ntesaKu pangane tempo niuliKu ‘Sampalaipa domo rapeintamiu Yaku bo ledo masae kaliuna haitu, rapeintamiu vaimo Yaku’.

Yohanes 16:19 ပူးပေါင်းရင်းမြစ်များ

Matius 6:8

Nee mompasiala pokainggura haitu! Apa nisani nu Alatala mamimo nuapa niparaluumiu dopame komiu merapi lako nte Ia.

Matius 9:4

Tapi nisani i Yesusmo pekirira. Haitu sampe niuliNa ka ira, “Nakuya rara ntaimiu nompekiri nadaa?

Markus 9:32

Tapi ledo nisanira batua ntesaNa haitu, bo naeka rarara mompekutana batuana nte Ia.

Yohanes 13:33

Ana-anaKu, domo masae Yaku mosanggani-nggani ante komiu. Raelomiu Yaku ngena, tapi ledo rakavamiu. Haitu niuliKu ka pakeni-pakeni ntoYahudi bara ipia, ivesia muni Kuuli ka komiu: ri umba Kukalau komiu ledo mamala metuntuni.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Yohanes 16:16

I Yesus nompapola tesaNa ka anaguruNa ivei: “Sampalaipa domo rapeintamiu Yaku. Ledo masae kaliuna haitu, rapeintamiu vaimo Yaku.”

Yohanes 16:18

Nosipekutana njuumo ira, “Nuapa patuju ntesaNa ‘Sampalaipa’? Ledo ntoto nisanita patuju ntesaNa haitu.”

Yohanes 16:23

Tempo haitu, komiu domo mekutana nuapa-nuapa nte Yaku. Pariaramo tesaKu. Nuapa-nuapa raperapimiu lako nte TuamaKu sabana komiu nangoseaka Yaku, kana radekeiNa ka komiu.

Yohanes 16:26

Tempo haitu komiu mbotomo merapi nte TuamaKu sabana komiu nangoseaka Yaku. Ledo paraluu Kuperapi nuapa-nuapa lako nte TuamaKu ka komiu.

Yohanes 16:30

Nisani kamimo Komiu nangisani mpengaya-ngaya. Ledo paraluu tona nompekutana Komiu sabana nisaniMiu mamimo pompekutanara. Haitumo sampe niparasaya kamimo Komiu mpuu-mpuu nakava lako nte Alatala.”

Yohanes 21:17

Bo i Yesus nekutana vai katalu-ngganina, “Simon, ana i Yohanes, nipotovemu mpuumo Yaku?” Nangepe haitu, nasusa mpuumo rara i Petrus, sabana talu-ngganimo i Yesus nompekutana ia. Jadi nesana i Petrus, “Pue, nisaniMiu mpengaya-ngaya. NisaniMiu nipotoveku Komiu.” Nanguli i Yesus, “Ane ivesia, piaramo bimba-bimbaKu.

Yohanes 6:61

Nisani i Yesusmo topangoseaka Ia nongutu-ngutu ivesia, jadi niulikaNa ira, “Noura raramiu mangepe pepatudukiKu pangane?

Yohanes 7:33

Tempo haitu, i Yesus nanguli ka todea, “Sampalaipa Yaku mosanggani-nggani ante komiu pade hau manjili nte Ia anu nantudu Yaku.

Ibrani 4:13

Nau aga sangaya anu nipajadi nu Alatala, ledo ria sangua ledo nikitaNa. Pura-pura nalanto nikitaNa. Bo kita kana mompangaku pura-pura pokaingguta ka Ia bara maipia.

Pompakita 2:23

Bo ana-anana Kupatesi sampe malanto ka pura-pura topomparasaya, Yakumo anu nomparesa pekiri bo rara ntai manusia, bo Yakumo anu mombabalasi komiu saito-saito nangoseaka pokainggumiu.