Yohanes 15:27 - Kaili Ledo

²⁷ Bo komiu muni mompopaisani Yaku ka todea sabana komiu nosanggani-nggani ante Yaku lako ri pamula panggaviaKu ri dunia hitu.”

Yohanes 15:27 ပူးပေါင်းရင်းမြစ်များ

Markus 1:1

Hitumo tesa Kareba Belo, tesa i Yesus Kristus, Ana nu Alatala.

Lukas 24:48

Komiumo sabina pura-pura anu najadi nte Yaku.

Yohanes 19:35

Tona nanggita kajadia haitu, iamo nompopaisani kajadia haitu ka komiu ala komiu muni momparasaya. Nakana tesana haitu bo nisanina mbotomo tesana haitu nakana.

Yohanes 21:24

I Yohanes hii anaguru nitesa ri bavona, iamo nanggita bo notesaki kajadia haitu. Bo ia muni notulisi kajadia haitu riara buku hitu. Bo nisanita anu nitesana haitu mpuu-mpuu nakana.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 13:31

Bara sakuya eo kasaena, nadea ngganina i Yesus nompopakita karoNa ka tona anu nantuntuni Ia lako ri bagia Galilea hau ri ngata Yerusalem. Ira haitumo anu sii-sii najadi sabi-sabiNa ka todea toIsrael.

Suro-Suro 18:5

Nakavapa i Silas bo i Timotius lako ri propinsi Makedonia, nikabasaka i Paulusmo pokarajaana novia tenda, bo eo-eo nipatolelena Kareba Belo lako nte Alatala ka toYahudi. Nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 3:15

Komiumo nombatudu tona nompatesi Ia, tano Iamo topombadekei katuvu nabelo sampe ri kasae-saena ka manusia. Bo Alatala nompakatuvu mpanjili Ia lako ri kamateNa. Kami najadi sabiNa, sabana kami mboto nanggita i Yesus natuvu mpanjili.

Suro-Suro 4:20

Kami hii ledo mamala menonto motesa anu nikita kami bo anu niepe kami mboto.”

Suro-Suro 4:33

Suro-suro ledo naupu-upu nompatolele kareba i Pue Yesus natuvu mpanjili, bo naroso mpuu tesara. Bo Alatala nabelo mpuu nte ira pura-pura.

1 Petrus 5:1

Naria muni anu kuuli ka komiu pakeni ntodea topomparasaya! Yaku nabia notulisi ka komiu sabana yaku muni pakeni ntopomparasaya, bo yaku mboto nanggita kasusa bo kapari nirasai i Kristus bara ipia. Bo ane i Kristus makava mpanjili bo mompopakita kuasaNa bo kaogeNa ka pura-pura manusia, yaku muni manggava bagia ri kuasaNa bo kaogeNa haitu. Jadi yaku mpuu-mpuu nerapi nte komiu

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

1 Yohanes 4:14

Ledo aga haitu. Kami ana-anaguru i Yesus nikita kamimo Ia, Ana nu Alatala, bo kami nosabiki Iamo nitudu nTuamaNa Alatala tumai ri dunia majadi Topompakasalama manusia.

Pompakita 1:2

Bo yaku, i Yohanes, nompasimbayu pura-pura anu nikitaku, haitumo tesa lako nte Alatala bo anu nipopaisani i Yesus Kristus.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.