Yohanes 15:26 - Kaili Ledo

²⁶ Kutudu Topetulungi lako nte TuamaKu tumai nte komiu, haitumo Nosa Gasa nu Alatala anu mompopaisani anu nakana. Tempo makava Ia, Iamo mompopaisani Yaku ka komiu.

Yohanes 15:26 ပူးပေါင်းရင်းမြစ်များ

Lukas 24:49

Pariaramo! Kupopanau ka komiu Nosa Gasa anu nijanji nTuamaKu Alatala. Jadi popeamiu ri sii ri ngata Yerusalem sampe kuasa nu Alatala manau nte komiu.”

Yohanes 14:26

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 8:42

Nanguli i Yesus ka ira, “Ane Alatala tuamamiu, tantu rapotovemiu Yaku, sabana Yaku nopuna lako nte Ia. Yaku nakava ledo nangoseaka dotaKu mboto, tapi nangoseaka dota nu Alatala anu nantudu Yaku.

Suro-Suro 1:4

Naria saeo i Yesus nasiromu nte ira, niulikaNa ira, “Neepa ruru malai lako ri ngata Yerusalem. Popeamo sampe TuamaKu Alatala mompopanau Nosa Gasa nipejanjikaNa, evamo niuliKu muni ka komiu bara ipia.

Suro-Suro 15:8

Bo Alatala anu nangisani isi rara ntai manusia, nantarima tona ledo toYahudi. Nisanita, sabana nidekeiNa Nosa GasaNa ka ira, nasimbayu mpo nidekeiNa ka kita muni.

Suro-Suro 5:32

Kamimo hii sabina pura-pura kajadia haitu, kami bo Nosa Gasa anu nidekei nu Alatala ka pura-pura topangoseaka parentaNa.”

1 Korintus 1:6

Haitu nompakalanto Kareba i Kristus anu nipatolele kami ka komiu, mpuu-mpuu nalonto riara ntaimiu.

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.

Pompakita 22:1

Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,