Yohanes 15:24 - Kaili Ledo

²⁴ Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Yohanes 15:24 ပူးပေါင်းရင်းမြစ်များ

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Matius 9:33

Jadi tempo seta haitu nipopalai i Yesus lako nte ia, namalamo ia notesa. Nanggita kajadia haitu nokumaa mpuumo todea. Nanguli ira, “Dopa sanggania nikita kami kajadia eva hitu ri tana Israel!”

Markus 2:12

Bo kaliu-liu neangga mpuumo topunggu haitu ri ngayora pura-pura. Nialanamo ompana bo nanjilimo ia. Nanggita haitu, nokumaa puramo tona ri sia, bo ira nombatoiya Alatala. Niulira, <>

Lukas 24:19

Nekutana i Yesus, “Nuapa najadi?” Nesana ira, “Anu najadi nte i Yesus, toNazaret! Ia nabi nu Alatala. TesaNa bo poviaNa nakuasa mpuu ri panggita nu Alatala, bo muni ri panggita ntodea.

Yohanes 10:32

Tapi nanguli i Yesus ka ira, “Nadeamo povia nabelo lako nte TuamaKu nipopakitaKu ka komiu. Povia umbana sampe rarempemiu vatu Yaku?”

Yohanes 10:37

Ane rapana ledo Kupovia pokarajaa niparasaya nTuamaKu ka Yaku, nee raparasayamiu Yaku.

Yohanes 12:10

Balengga-balengga ntopanggeni agama nasintuvu mompatesi i Lazarus muni.

Yohanes 12:45

Bo isema-sema nanggita Yaku, nikitana muni Alatala anu nantudu Yaku.

Yohanes 14:9

Nesanamo i Yesus, “Ai, Filipus! Nasaemo Yaku nosanggani-nggani ante komiu. Dopa nisanimu isema Yaku? Isema-sema nanggita Yaku, nikitana munimo TuamaKu. Jadi berimba sampe niulimu ivesia, ‘Popakita ka kami TuamaMiu’?

Yohanes 15:21

Pura-pura haitu rapoviara ka komiu sabana komiu najadi topangoseaka Yaku, apa ledo nisanira mpuu Alatala anu nantudu Yaku.

Yohanes 15:22

Ane rapana Yaku ledo nakava bo ledo nompatuduki ka ira, tantu ira ledo rapakasala sabana dosara. Tapi nakavamo Yaku bo nipatudukimo ira. Jadi domo mamala raulira ledo nisanira pokainggura nadosa.

Yohanes 15:23

Isema-sema navuu matana nanggita Yaku, navuu muni matana nanggita TuamaKu.

Yohanes 16:9

RapakalantoNa manusia nadosa sabana ledo niparasayara Yaku.

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 5:36

Tapi naria sangayapa anu nompakalanto isema Yaku, bo anu haitu nopokopa pade sabi i Yohanes Topediu, haitumo pokarajaaKu. PokarajaaKu niparasaya nTuamaKu ka Yaku ala Kupakaupu. Pokarajaa haitumo nompakalanto Yaku hii nitudu nTuamaKu.

Yohanes 6:36

Tapi evamo niuliKu ka komiu pangane, naupa nikitamiumo Yaku, ledo niparasayamiu.

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 9:32

Lako ri lamba pamulana dopa sanggani niepeta naria tona namala nompakabelo mata ntona naburo mami lako ri pompoanaka.

Yohanes 9:41

Nesana i Yesus, “Ane rapana komiu naburo mami, natantumo ledo nadosa komiu. Tapi komiu nanguli namala nekita. Haitu sampe komiu bate-batena nadosa.”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Roma 1:30

bo nompakadaa sanga ntona ntanina. Navuu matara nte Alatala, ira najampa, nalanga rara bo nangoe. Ira natau nangelo akala movia anu nadaa bo ledo natundu nte totuara.

2 Timotius 3:4

Ira aga mombaakalani roa, ledo ria rekera, bo pangulira iramo tona nataupa. Ledo rapotovera Alatala, aga kasana karora mboto rapotovera.

Yakobus 4:4

Komiu nasimbayu mpo topobualo apa komiu ledo natutu nangoseaka Alatala. Ledo nisanimiu? Ane rapoinota anu nipodota ntona nadaa ri dunia hitu, kita majadi bali nu Alatala. Isema-sema mompoino anu nipoino ntona nadaa ri dunia hitu, ia nompajadi karona mboto bali nu Alatala.