Yohanes 15:22 - Kaili Ledo

²² Ane rapana Yaku ledo nakava bo ledo nompatuduki ka ira, tantu ira ledo rapakasala sabana dosara. Tapi nakavamo Yaku bo nipatudukimo ira. Jadi domo mamala raulira ledo nisanira pokainggura nadosa.

Yohanes 15:22 ပူးပေါင်းရင်းမြစ်များ

Lukas 12:46

Tempo batua haitu movia madaa ivesia, sampesanika madikana manjilimo ri eo bo jaa ledo nisanina. Batua haitu rahuku bo ratedaka ri savalikuna nasimbayu mpo tona ledo natundu nte Alatala.

Yohanes 12:48

Tona nompoara Yaku bo ledo nompariara tesaKu, naria anu mombahuku ira. TesaKu haitu mombahuku ira ri kaupu nu dunia,

Yohanes 15:23

Isema-sema navuu matana nanggita Yaku, navuu muni matana nanggita TuamaKu.

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Yohanes 16:9

RapakalantoNa manusia nadosa sabana ledo niparasayara Yaku.

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Yohanes 9:41

Nesana i Yesus, “Ane rapana komiu naburo mami, natantumo ledo nadosa komiu. Tapi komiu nanguli namala nekita. Haitu sampe komiu bate-batena nadosa.”

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Roma 1:20

Lako ri tempo dunia nipajadi nu Alatala sampe sii-sii, nisani nu manusia kuasaNa ledo naupu-upu bo Ia mpuu-mpuu Alatala. Nau ledo nikitata lenjeNa, nisanita Ia Alatala apa nisanita ingguNa lako ri pura-pura anu nipajadiNa ri dunia. Jadi ledo ria tona mamala manguli <>

Roma 2:1

Jadi sampesuvu-sampesuvu, ane komiu nompakasala tona ntanina, ledo mamala raulimiu <> Apa pokainggumiu mboto nasimbayu nte pokainggura. Jadi ane komiu nompakasala tona ntanina, batuana komiu nompakasala karomiu mboto.

Yakobus 4:17

Ane nisanita anu nabelo paraluu rapoviata, tapi ledo nipoviata, kita nadosa.

1 Petrus 2:16

Komiu kana matuvu mpo tona nikabasaka lako ri pehuku nu dosa. Tapi nee sampe haitu majadi loga ka komiu movia anu nadaa! Komiu kana matuvu mpo batua nu Alatala anu natundu nte Ia.