Yohanes 15:21 - Kaili Ledo

²¹ Pura-pura haitu rapoviara ka komiu sabana komiu najadi topangoseaka Yaku, apa ledo nisanira mpuu Alatala anu nantudu Yaku.

Yohanes 15:21 ပူးပေါင်းရင်းမြစ်များ

Matius 10:18

Komiu rakeni ri ngayo gubernur-gubernur bo magau-magau sabana komiu nomparasaya Yaku. Haitumo loga nabelo ka komiu motesa pomparasayamiu Yaku ka ira bo ka tona ntanina anu ledo toYahudi.

Matius 10:22

Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Matius 10:39

Isema-sema batena nangoseaka dota rarana mboto, ledo manggava katuvu mabelo sampe ri kasae-saena. Tapi isema-sema nombakabasaka pura-pura dota rarana mboto sabana nioseakana Yaku, iamo manggava katuvu mabelo sampe ri kasae-saena.

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Matius 5:11

Nabelo mpuumo ane komiu rasalai atau rapandasa atau rarai ntona sabana komiu topangoseaka Yaku.

Markus 13:13

Komiu rapovuu mata ntodea sabana komiu nangoseaka Yaku. Tapi isema-sema naroo pomparasayana sampe ri kaupuna, ia kana rapakasalama nu Alatala.>>

Lukas 21:12

Tapi dopame majadi pura-pura haitu, komiu rasaka ntona bo rapandasara. Komiu ratangara ri banua petupu bo rasuaraka riara ntarunggu. Komiu rakeni muni ri ngayo nu magau-magau bo gubernur-gubernur sabana komiu nangoseaka Yaku.

Lukas 21:17

Komiu rapovuu mata ntodea, sabana komiu nangoseaka Yaku.

Lukas 6:22

Nabelo mpuu komiu ane rapovuu mata ntona, rasuko ntona, rasalai ntona bo sangamiu rapakadaa ntona sabana komiu nangoseaka Yaku, Ana nu Manusia.

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Yohanes 16:3

Rapoviara ivesia ka komiu sabana ira ledo nosisani ante TuamaKu bo ledo muni nosisani nte Yaku.

Yohanes 17:25

O, Tata, Komiu nanoa! Manusia ri dunia hitu ledo nosisani nte Komiu, tapi Yaku nosisani nte Komiu. Bo anaguruKu hitu nisanira Komiu nantudu Yaku.

Yohanes 8:19

Bo nekutana vaimo ira, “Ri umba TuamaMu?” Nesana i Yesus, “Ledo nisanimiu mpuu Yaku. Bo ledo muni nisanimiu mpuu TuamaKu. Ane rapana nisanimiu mpuu Yaku, natantu rasanimiu mpuu TuamaKu.”

Yohanes 8:54

Nesana i Yesus, “Ane Yaku mombabila karoKu mboto, ledo ntoto maria batuana. Tapi TuamaKu nombabila Yaku bo Iamo anu nipangakumiu Alatala nisombamiu,

Yohanes 8:55

nau komiu ledo nosisani ante Ia. Tapi Yaku nosisani belo ante Ia. Ane rapana Kuuli Yaku ledo nosisani ante Ia, tantu Yaku majadi topodava nasimbayu mpo komiu. Tapi Yaku mpuu-mpuu nosisani ante Ia bo Yaku natutu nangoseaka tesaNa.

Suro-Suro 17:23

Apa tempo yaku nanjayo-njayo riara ngatamiu nikitaku nadea pompakande viata. Bo nikavaku sangu pompakande anu naria nitulisi, ‘Pompakande ka Tupu Ledo Nisani SangaNa.’ Tupu haitu nisombamiu, nau ledo nisanimiu sangaNa. Tupu haitumo kupopaisani ka komiu ri sii.

Suro-Suro 26:9

Ivesia muni yaku bara ipia. Nisarumakaku kana kupasimbuku mangeva tona nomparasaya i Yesus toNazaret.

Suro-Suro 3:17

Sampesuvu-sampesuvu, nau komiu bo totua-totua ngatata nompatesi i Yesus, nisaniku komiu novia anu haitu sabana ledo nisanimiu Iamo Magau Topepakasalama.

Suro-Suro 4:17

Tapi ala kareba hitu domo matolele hanupa, aginamo raparanggata ira randua bo raulita ka ira nee mpuu ratesamiu i Yesus ka tona ntanina.”

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Suro-Suro 9:14

Sii-sii ia nakava muni ri sii, nidekei kuasa lako ri balengga-balengga ntopanggeni pesomba mombasaka pura-pura kami topomparasaya Komiu.”

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Roma 1:28

Tona gahaitu ledo nadota mosisani ante Alatala. Jadi Alatala nompalamba ira rakeniaka mpekirira nadaa sampe ira novia anu ledo masipato rapoviara.

1 Korintus 15:34

Jadi pakanoto mpanjili pekirimiu bo tumo rapovia dosa! Da nariapa sanu komiu dopa nosisani belo nte Alatala. Niuliku ivesia ala maeya matamiu.

1 Korintus 2:8

Ledo ria saitoa topoparenta ri dunia nadaa hitu nangisani patuju nu Alatala haitu. Apa ane rapana nisanira patujuNa haitu, natantumo ledo rapakura ri kayu salib i Pue anu nakuasa.

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

3 Yohanes 1:7

Apa sampesuvuta haitu nanggeni kareba i Kristus bo ledo ria nuapa-nuapa nitarimara lako nte tona anu ledo nosisani nte Alatala.

Pompakita 2:3

Komiu mpuu-mpuu nosabara. Komiu nipandasa ntona sabana pomparasayamiu, bo ledo naupu raramiu nangoseaka Yaku.