Yohanes 15:19 - Kaili Ledo

¹⁹ Ane rapana komiu nosangu pekiri ante tona ledo nomparasaya Yaku, natantumo rapotovera komiu sabana komiu roara mboto. Tapi komiu ledo nosangu pekiri ante ira, sabana Yaku nompelisi komiu bo nopatani komiu ka Yaku. Jadi haitu sampe komiu nipovuu matara.

Yohanes 15:19 ပူးပေါင်းရင်းမြစ်များ

Matius 10:22

Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Lukas 6:32

Ane komiu mompotove tona anu nompotove komiu, nee rasarumakamiu Alatala mombatoiya komiu. Nau tona nadosa nipotovera muni tona anu nompotove ira.

Yohanes 13:18

Anu niuliKu pangane ledo nambela komiu pura-pura. NisaniKu mamimo tona nipelisiKu, bo kana rapakadupa anu nitulisi riara Buku Gasa ivei: ‘Tona nangande nosanggani-nggani ante Yaku, iamo najadi baliKu.’

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Yakobus 4:4

Komiu nasimbayu mpo topobualo apa komiu ledo natutu nangoseaka Alatala. Ledo nisanimiu? Ane rapoinota anu nipodota ntona nadaa ri dunia hitu, kita majadi bali nu Alatala. Isema-sema mompoino anu nipoino ntona nadaa ri dunia hitu, ia nompajadi karona mboto bali nu Alatala.

1 Petrus 4:3

Apa naganamo logamiu bara ipia nangoseaka pokainggu-pokainggu ntona ledo nosisani nte Alatala. Bara ipia komiu aga natuvu nangoseaka dota raramiu nadaa ante pokainggu naruto, komiu nabiasa nalangu-langu, komiu nasiromu nangande mpebasa bo nanginu, bo komiu nompakande tupu-tupu ntanina, pokainggu anu nepakarunggu.

1 Yohanes 3:12

Nee kita mompasiala inggu i Kain nangoseaka dota Magau nu Seta bo nompatesi tueina mboto. Nuapa sabana i Kain nompatesi tueina mboto? Sabana pokainggu i Kain nadaa bo ia nasiriati nanggita pokainggu ntueina nanoa.

Pompakita 12:17

Nagigi mpuumo rara nu ule naga haitu nanggita mombine, sampe ia hau mombaeva muli-muli nu mombine haitu ntanina, haitumo tona natutu nangoseaka parenta-parenta nu Alatala bo bate-batena nanggangisi pepatuduki i Yesus.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.