Yohanes 15:13 - Kaili Ledo

¹³ Ane saito tona mamate manjambei vega-vegana, ia mpuu-mpuu nompotove vegana haitu. Ledo ria pepotove naogepa pade haitu.

Yohanes 15:13 ပူးပေါင်းရင်းမြစ်များ

Lukas 12:4

“Vega-vegaKu, pariaramo! Nee maeka ka tona madota mompatesi komiu, sabana maupu haitu domo ria nuapa-nuapa mamala rapoviara ka komiu.

Yohanes 10:11

“Yakumo hii topoevu nabelo. Yaku nasadia mamate ala bimbaKu matuvu.

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.