Yohanes 14:26 - Kaili Ledo

²⁶ Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Yohanes 14:26 ပူးပေါင်းရင်းမြစ်များ

Matius 1:18

Iveimo tesa pompoanaka i Yesus Kristus. TinaNa i Maria anu nijanji moberei ante langgai nosanga i Yusuf. Tapi dopame ira noberei, natianamo i Maria lako ri kuasa Nosa Gasa nu Alatala.

Matius 1:20

Tempo i Yusuf da nompekiri patujuna haitu, malaeka nTupu nakava riara pangipina bo nanguli ka ia, “Yusuf, muli i Daud, nee makini raramu mompoberei i Maria, sabana ngana nikatianakana najadi lako ri kuasa Nosa Gasa nu Alatala.

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Markus 12:36

Magau Daud mboto notesaki Magau Topepakasalama ante pekeniaka Nosa Gasa, ivei: Tupu nanguli ka Pueku, Mazmur 110:1

Markus 13:11

Ane komiu rasaka bo rakeni ratangara, nee makini raramiu mompekirika anu raulimiu. Ane makavamo gantana motesa, ulimo anu radekei ka komiu raulimiu. Sabana tesa-tesa raulimiu haitu ledo mopuna lako nte komiu mboto, tapi lako ri Nosa Gasa nu Alatala.

Lukas 1:15

Ia majadi tomaoge ri panggita nu Alatala. Ia ledo manginu anu nepakalangu. Lako ri pompoanakame, ia rakuasai Nosa Gasa nu Alatala.

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Lukas 1:41

Nangepe petabe i Maria, nokalelomo ngana riara i Elisabet. Bo i Elisabet nipesua Nosa Gasa nu Alatalamo,

Lukas 1:67

Tempo haitu i Zakharia, tuama nu ngana haitu, nikuasai Nosa Gasa nu Alatala sampe nipasimbayuna tesa nTupu ka ira, haitumo anu rapovia nTupu ngena.

Lukas 11:13

Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

Lukas 2:25

Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Lukas 24:49

Pariaramo! Kupopanau ka komiu Nosa Gasa anu nijanji nTuamaKu Alatala. Jadi popeamiu ri sii ri ngata Yerusalem sampe kuasa nu Alatala manau nte komiu.”

Lukas 3:22

bo Nosa Gasa nolenje mpo tonji banggebodo, netuu nte Ia. Pade naria suara lako ri suruga nanguli, “Ikomo AnaKu nipotoveKu. Ikomo nompakadamba raraKu.”

Yohanes 1:33

Tempo haitu, dopa nisaniku Ia Magau Topepakasalama. Tapi Alatala anu nantudu Yaku mombadiu tona ante uve, Iamo nanguli ka yaku bara ipia ivei: ‘Ane nukita Nosa GasaKu manau metuu ri tona saito, Ia haitumo mombadiu tona ante Nosa GasaKu.’ ”

Yohanes 12:16

Jadi nibila ntodea mpuu i Yesus tempo Ia nesua riara ngata Yerusalem. Tapi dopa nisani nu ana-anaguruNa batuana. Naliu Ia natuvu mpanjili lako ri kamateNa bo neore hau ri suruga, pade nisanira pebila ntodea ka i Yesus nompakadupa anu nitulisi riara Buku Gasa pangane.

Yohanes 14:16

Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena.

Yohanes 14:25

Pura-pura haitu nitesaKu kamba da nosanggani-nggani kita.

Yohanes 15:26

Kutudu Topetulungi lako nte TuamaKu tumai nte komiu, haitumo Nosa Gasa nu Alatala anu mompopaisani anu nakana. Tempo makava Ia, Iamo mompopaisani Yaku ka komiu.

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 2:22

Naliu i Yesus natuvu mpanjili lako ri kamateNa, nitora nu anaguruNamo tesaNa hitu. Bo niparasayaramo anu nitulisi riara Buku Gasa bo anu nitesa i Yesus mboto.

Yohanes 20:22

Naupu haitu nitavusiNamo ira ante nosaNa bo nanguli, “Tarimamo Nosa Gasa nu Alatala.

Yohanes 6:45

Riara buku nabi-nabi nitulisi ivei: ‘Pura-pura tona rapatuduki nu Alatala.’ Yesaya 54:13 Jadi isema-sema mompariara pepatuduki nTuamaKu bo meguru lako nte Ia, tantu raparasayana Yaku.

Yohanes 7:39

Uve nipatuju i Yesus, haitumo Nosa Gasa nu Alatala anu radekei ka tona nomparasaya Ia. Tempo haitu, Nosa Gasa dopa nidekei ka topomparasaya sabana i Yesus dopa neore hau ri suruga bo nipakaoge nu Alatala.

Suro-Suro 1:2

sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

Suro-Suro 1:4

Naria saeo i Yesus nasiromu nte ira, niulikaNa ira, “Neepa ruru malai lako ri ngata Yerusalem. Popeamo sampe TuamaKu Alatala mompopanau Nosa Gasa nipejanjikaNa, evamo niuliKu muni ka komiu bara ipia.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 11:16

Pade nitoraku tesa i Pue Yesus bara ipia ivei: ‘I Yohanes nombadiu tona ante uve, tapi komiu radiu ante Nosa Gasa nu Alatala!’

Suro-Suro 13:2

Naria saeo, todea topomparasaya pura-pura nosambaya bo nombatoiya Alatala bo nopuasa. Nosa Gasa nu Alatala nanguli ka ira, “Pelisi bo patani ka Yakumo i Barnabas bo i Saulus mantui pokarajaa nipakatantuKu ka ira.”

Suro-Suro 13:4

Jadi naupu i Barnabas bo i Saulus nitudu nu Nosa Gasa, hau ira ri pesampo Seleukia bo nesavi kapala hau ri levuto Siprus.

Suro-Suro 15:28

Sampesuvu-sampesuvu, hitumo asele polibu kami anu nipokono nu Nosa Gasa nu Alatala bo nipokono kami muni, ala komiu ledo mandasa mantuntuni atura-atura nakaja. Aga atura-atura hitu paraluu raoseakamiu:

Suro-Suro 15:8

Bo Alatala anu nangisani isi rara ntai manusia, nantarima tona ledo toYahudi. Nisanita, sabana nidekeiNa Nosa GasaNa ka ira, nasimbayu mpo nidekeiNa ka kita muni.

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 2:33

Ia nianggataka nu Alatala bo nipoponturo ri ponturo nibila ri sabingga nggana nu Alatala ri suruga. Bo nitarimaNa Nosa Gasa nijanji nTuamaNa, Alatala. Jadi sampesuvu-sampesuvu, pangane nikitamiu bo niepemiu kami notesa nte mpengaya basa. Haitu najadi sabana kuasa Nosa Gasa anu nipopanau i Yesus ka kami.

Suro-Suro 2:4

Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Suro-Suro 28:25

Kaupuna, nipalaisiramo ponturo haitu apa da nosisalapa panggavara ante pepatuduki i Paulus. Tapi dopame ira nalai, i Paulus nanguli ka ira, “Nakana ntoto Tesa Nosa Gasa nu Alatala anu nipasimbayu Nabi Yesaya ka totuata nggaulu ivei:

Suro-Suro 5:3

Nanguli i Petrus ka ia, “Ananias, nakuya iko nompalamba Magau nu Seta nombakuasai raramu sampe nidavaimu Nosa Gasa nu Alatala? Iko nombaboliaka doimu sagaa ka iko mboto.

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

Suro-Suro 7:55

Tapi i Stefanus nikuasai nu Nosa Gasa nu Alatala, bo nantingoa langi. Nikitana reme nu Alatala. Bo nikitana muni i Yesus neangga ri sabingga nggana nu Alatala.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

Roma 15:16

Ia nanganggataka yaku nokarajaa ka i Yesus Kristus nanggeni karebaNa ka tona ledo toYahudi. Bo pokarajaaku haitu namala rarapaka pokarajaa ntopanggeni pesomba, sabana yaku nompatolele Kareba Belo lako nte Alatala ka tona ledo toYahudi, bo ira anu nomparasaya i Kristus nirekeku pesomba nipesombaku ka Alatala. Bo pesombaku haitu tantu nitarima nu Alatala sabana Nosa Gasa nompakagasa ira bo nompatani ira majadi bagia nu Alatala.

Roma 5:5

Ane kita manjarumaka Alatala, ledo masoa bukuta. Nisanita Ia mpuu-mpuu mompakadupa pura-pura pojanjiNa, sabana nirasaita tove nu Alatala riara ntaita lako ri pokarajaa nu Nosa Gasa anu nidekei nu Alatala ka kita.

1 Korintus 12:3

Haitu sampe kuuli ka komiu, komiu kana mompoposisala anu nadaa bo anu nabelo. Ane tona nikeniaka Nosa Gasa nu Alatala, ledo raulina, “Nasurukavumo i Yesus.” Bo ivesia muni ledo rapakule ntona mompangaku, “I Yesus, Iamo Tupu” ane tona haitu ledo nikeniaka Nosa Gasa nu Alatala.

1 Korintus 6:19

Ledo nisanimiu karomiu nasimbayu mpo banua petupu anu niponturo Nosa Gasa nu Alatala? Ia natetida riara ntaimiu. Alatala mboto nombadekei Nosa Gasa ka komiu. Iamo Tupu nu karomiu, ledo komiu mboto tupuna.

2 Korintus 6:6

Riara mpengaya haitu, nalantomo kami mpuu-mpuu batua nu Alatala, apa pokainggu kami nagasa, nisani kami Tesa nu Alatala, kami nosabara bo nabelo rara nte tona. Nosa Gasa nokarajaa riara nggatuvu kami bo kami nompotove tona ntanina ante rara mpuu-mpuu.

Efesus 1:13

Bo ivesia muni komiu. Komiu najadi todea nu Alatala tempo niepemiu bo niparasayamiu pepatuduki nakana, haitumo Kareba Belo anu nompopaisani ka komiu, komiu mamala rapakasalama. Komiu nomparasaya i Yesus, jadi Alatala nombadekei Nosa GasaNa ka komiu anu nijanjiNa nggaulu. Nosa Gasa haitu tandana komiu mpuu-mpuu todea nu Alatala.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Efesus 4:30

Jadi, nee rapoviamiu anu mompakabuku rara Nosa Gasa nu Alatala. Toramo! Alatala nombadekei Nosa Gasa ka kita, tandana kita najadi todeaNa. Bo Nosa GasaNa haitu muni najadi panggingisita ala rasanita kita mpuu-mpuu rakabasaka lako ri dunia nadaa hitu ngena.

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

2 Timotius 1:14

Pepatuduki haitumo kakalumana niparasaya nu Alatala ka kita. Jadi ante petulungi Nosa Gasa anu naria riara ntaita, jagaimo pepatuduki haitu. Nee radekei rabaliki ntona.

Titus 3:5

Kita nipakasalamaNa, ledo sabana pokaingguta nanoa, tapi sabana kaasi mataNa nanggita kita. Alatala nompakasalama kita ante nompakagasa kita bo nombalelaka dosata. Haitu nipoviaNa ante kuasa Nosa Gasa anu nombadekei katuvu nabaru ka kita bo nombabaliki rarata majadi nabelo.

Ibrani 10:15

Nosa Gasa nu Alatala muni nompopaisani pojanji nabaru ka kita. NipapolaNa tesa nu Alatala ivei:

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.

Ibrani 3:7

Jadi, epemo tesa lako ri Nosa Gasa nu Alatala nanguli ivei: “Ane raepemiu suara nu Alatala eo hitu,

Ibrani 9:8

Lako ri atura haitu Nosa Gasa nu Alatala nompopaisani ka kita ivei: ane da naria Tenda pamulana haitu, batuana dopa nibuka dala mesua sampe ri ngayo nu Alatala ri Tombi Nelabi Kagasana.

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

2 Petrus 1:21

Apa nabi-nabi nombaboto tesa ledo nangoseaka dota nu manusia. Tapi Nosa Gasa nu Alatala nombakuasai tona ala rapasimbayura tesa lako nte Alatala mboto.

1 Yohanes 2:20

Tapi nitarimamiumo Nosa Gasa nu Alatala, anu nipopanau i Yesus Kristus. Haitu sampe komiu pura-pura nangisani pepatuduki nakana.

1 Yohanes 2:27

Tapi kakanana domo paraluu tona ntanina mompatuduki komiu, sabana nitarimamiumo Nosa Gasa anu nipopanau i Kristus. Bo Nosa Gasa haitumo naroo riara ntaimiu bo nompatuduki ka komiu pura-pura anu paraluu rasanimiu. PepatudukiNa haitu nakana pura, ledo naria dava. Sabana haitu, komiu kana maroo matuvu mosangu rara nte i Kristus nangoseaka anu nipatuduki Nosa Gasa ka komiu.

1 Yohanes 5:7

Jadi, ivesiamo Alatala nompakalanto ka kita i Yesusmo AnaNa: Nosa Gasa nosabiki i Yesus Ana nu Alatala. Bo anu najadi tempo Ia nidiu bo tempo Ia namate, haitu muni nompakalanto Ia Ana nu Alatala. Talu-ngaya hitu nasimbayu posabira, haitumo, i Yesus Ana nu Alatala.

Yudas 1:20

Sampesuvu-sampesuvu nipotoveku, posipakaroso pomparasayamo komiu nangoseaka pepatuduki nakana, sabana pepatuduki niparasayata haitu nagasa mpuu. Bo posambayamo ante pekeniaka Nosa Gasa nu Alatala.

Pompakita 2:11

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi ledo ntoto mambela pehuku anu niuli kamatea karongganina.”