Yohanes 14:24 - Kaili Ledo

²⁴ Tapi tona ledo nompotove Yaku, ledo nioseakana tesaKu. Tesa niepemiu hitu ledo lako nte Yaku mboto, tapi lako nte TuamaKu anu nantudu Yaku.

Yohanes 14:24 ပူးပေါင်းရင်းမြစ်များ

Matius 19:21

Nesana i Yesus, “Ane iko mpuu-mpuu madota majadi mabelo bo masipato manggava katuvua nabelo sampe ri kasae-saena, koimo pobalu puramo kakalumanamu bo dekei alina haitu ka tona napakasi ala mukava kakalumana ri suruga. Maupu haitu oseakamo Yaku!”

Yohanes 14:10

Dopa niparasayamu Yaku nasimbayu nte TuamaKu bo TuamaKu nasimbayu nte Yaku? Anu niuliKu ka komiu pura-pura, ledo tesaKu mboto tapi tesa lako nte TuamaKu anu nosangu rara nte Yaku. Iamo anu novia pura-pura pokarajaa haitu.

Yohanes 14:15

“Ane komiu nompotove Yaku, raoseakamiu parenta-parentaKu.

Yohanes 14:25

Pura-pura haitu nitesaKu kamba da nosanggani-nggani kita.

Yohanes 3:11

Pariaramo tesaKu hitu. Kami hii notesa anu nisani kami, bo kami nanguli anu nikita kami mboto, tapi komiu pura-pura ledo nadota momparasaya tesa kami.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Yohanes 5:19

Jadi nanguli i Yesus ka pakeni ntoYahudi haitu, “Pariaramo tesaKu hitu. Yaku ledo mamala movia nuapa-nuapa nangoseaka dotaKu mboto, tapi anu nikitaKu lako nte TuamaKu, haitumo nipoviaKu. Nuapa-nuapa nipovia nTuamaKu, haitu muni Kupovia.

Yohanes 5:38

Tesa-tesaNa ledo nipariaramiu, apa ledo niparasayamiu Yaku nituduNa.

Yohanes 7:16

Nesana i Yesus ka ira, “PepatudukiKu ledo lako ri pangisaniKu mboto, tapi lako nte Alatala anu nantudu Yaku.

Yohanes 7:28

Jadi tempo i Yesus da nompatuduki ri doyata Banua nu Alatala, nitesaNa ante suaraNa namangga, “Nisanimiu tano isema Yaku bo lako ri umba kakavaKu? Yaku ledo nakava nangoseaka dotaKu mboto, tapi Yaku nakava nangoseaka dota nu Alatala anu nombatudu Yaku. Iamo masipato raparasaya. Ledo ntoto nisanimiu Ia,

Yohanes 8:26

Da nadeapa mamala Kuuli mompakasala komiu, tapi ledo Kuuli. Aga anu niepeKu lako nte Ia anu nantudu Yaku, haitumo Kutesa ka manusia ri dunia. Bo Ia namala raparasaya.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Yohanes 8:38

Anu nikitaKu nte TuamaKu, haitumo nitesaKu ka komiu. Tapi komiu aga novia anu nipatuduki ntuamamiu ka komiu.”

Yohanes 8:42

Nanguli i Yesus ka ira, “Ane Alatala tuamamiu, tantu rapotovemiu Yaku, sabana Yaku nopuna lako nte Ia. Yaku nakava ledo nangoseaka dotaKu mboto, tapi nangoseaka dota nu Alatala anu nantudu Yaku.