Yohanes 14:15 - Kaili Ledo

¹⁵ “Ane komiu nompotove Yaku, raoseakamiu parenta-parentaKu.

Yohanes 14:15 ပူးပေါင်းရင်းမြစ်များ

Matius 10:37

Isema-sema nipotovenapa tina-tuamana pade Yaku, ledo masipato rauli topangoseaka Yaku. Bo tona nipotovenapa anana pade Yaku, ledo muni masipato rauli topangoseaka Yaku.

Yohanes 8:42

Nanguli i Yesus ka ira, “Ane Alatala tuamamiu, tantu rapotovemiu Yaku, sabana Yaku nopuna lako nte Ia. Yaku nakava ledo nangoseaka dotaKu mboto, tapi nangoseaka dota nu Alatala anu nantudu Yaku.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Efesus 6:24

Kuperapi Alatala bate-batena nabelo nte pura-pura tona anu ledo naupu-upu nompotove Tuputa Yesus Kristus. Amin. Tabe lako nte yaku Paulus

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.

2 Yohanes 1:6

Iveimo anu niuli tove: kita kana matuvu mangoseaka parenta nu Alatala anu niepeta lako ri pamulana: Kita kana matuvu mosimpotove.