Yohanes 13:23 - Kaili Ledo

²³ Saito anaguruNa anu nipotoveNa nonturo ri sinjoriNa.

Yohanes 13:23 ပူးပေါင်းရင်းမြစ်များ

Lukas 16:22

Nakavamo tempona tona napakasi haitu namate bo ia nikeni nu malaeka hau ri ponturo nabelo ri sinjori Nabi Abraham. Tona nakalumana namate munimo bo nitana. Ia nikeni hau ri ponturo ntomate.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 11:3

Jadi sampesuvuna randua nombatudu tona hau mangulika i Yesus ivei: “Pue, vega nipotoveMiu nadua.”

Yohanes 11:36

Nanggita haitu, nanguli toYahudi anu nantuntuni i Maria pangane, “Peintamo. Nipotove i Yesus mpuumo i Lazarus.”

Yohanes 11:5

I Yesus nompotove i Marta, i Maria bo i Lazarus.

Yohanes 13:24

Jadi i Simon Petrus nanggaundu roana haitu bo nanguli, “Pekutana nte i Guru bara isema niuliNa haitu.”

Yohanes 13:25

Jadi anaguruNa anu nonturo ri sinjori i Yesus nekutana, “Pue, isema niuliMiu pangane?”

Yohanes 19:26

I Yesus nanggita tinaNa neangga hamai ri sinjori anaguru nipotoveNa, niuliNamo ka tinaNa, “Ina, reke anamumo ia.”

Yohanes 20:2

Jadi nangovamo ia hau nte i Simon Petrus bo anaguru nipotove i Yesus, bo niulina, “Niala ntonamo karobata i Yesus lako riara nu dayo, bo ledo nisani kami bara ri umba nipombolira!”

Yohanes 21:20

Naupu haitu neilimo i Petrus bo nikanotona anaguru anu nipotove i Yesus. Anaguru haitumo anu nonturo ri sinjori i Yesus tempo ira nangande bongina, anu nekutana, “Isema mompobalu Komiu, Pue?”

Yohanes 21:24

I Yohanes hii anaguru nitesa ri bavona, iamo nanggita bo notesaki kajadia haitu. Bo ia muni notulisi kajadia haitu riara buku hitu. Bo nisanita anu nitesana haitu mpuu-mpuu nakana.

Yohanes 21:7

Anaguru anu nipotove i Yesus nanguli ka i Petrus, “I Pue, tano!” Niepe i Petrus tesa haitu, nipasuana mpanjili bajuna, sabana ia ledo nobaju pangane. Bo nekavantumo ia hau riara rano norabu hau ri kabatana.