Yohanes 13:19 - Kaili Ledo

¹⁹ Dopame majadi anu haitu, Kuuli mami ka komiu ala tempo anu haitu majadi ngena, rasanimiu mpuu isema Yaku.

Yohanes 13:19 ပူးပေါင်းရင်းမြစ်များ

Matius 11:3

“Tua, Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”

Matius 24:25

Toramo! Lave nipopaisaniKu mamimo ka komiu dopame majadi haitu pura-pura, jadi nee rabagiu!

Lukas 21:13

Haitumo loga nabelo ka komiu motesa pomparasayamiu Yaku ka ira.

Yohanes 1:15

I Yohanes nompopaisani ka todea isema niuli Tesa nu Alatala haitu. Nongaremo ia, “Hitumo Ia anu niuliku bara ipia. Niuliku kana maria tona makava ri puriku anu naogepa pade yaku. Ia naogepa pade yaku sabana lako ri lamba pamulana dopame yaku nipoanaka naria mamimo Ia.”

Yohanes 14:29

Sii-sii niuliKu mamimo ka komiu dopame majadi anu nitesaKu pangane, ala tempo madupa ngena, raparasayamiumo Yaku.

Yohanes 16:4

NitesaKu mami ka komiu kamateKu, ala tempo haitu majadi ngena, ratoramiu nariamo nitesaKu ka komiu.” “Tesa hitu ledo niuliKu ka komiu lako ri pamulana sabana Yaku da nosanggani-nggani ante komiu.

Yohanes 4:26

Nanguli i Yesus ka mombine haitu, “Yaku anu notesa ka iko hitu-hitu, Yakumo tona niulimu tutu.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”