Yohanes 12:49 - Kaili Ledo

⁴⁹ apa Yaku ledo notesa nangoseaka dotaKu mboto. Yaku aga nanguli anu niparenta nTuamaku ka Yaku, sabana Iamo nantudu Yaku makava ri dunia.

Yohanes 12:49 ပူးပေါင်းရင်းမြစ်များ

Yohanes 14:10

Dopa niparasayamu Yaku nasimbayu nte TuamaKu bo TuamaKu nasimbayu nte Yaku? Anu niuliKu ka komiu pura-pura, ledo tesaKu mboto tapi tesa lako nte TuamaKu anu nosangu rara nte Yaku. Iamo anu novia pura-pura pokarajaa haitu.

Yohanes 14:24

Tapi tona ledo nompotove Yaku, ledo nioseakana tesaKu. Tesa niepemiu hitu ledo lako nte Yaku mboto, tapi lako nte TuamaKu anu nantudu Yaku.

Yohanes 14:31

Naupa ivesia, pepandasa anu majadi ri karoKu ngena, kana majadi ala rasani nu manusia ri dunia Yaku nompotove TuamaKu bo novia pura-pura anu niparentaNa ka Yaku. Kaimo, malai kita.”

Yohanes 15:15

Komiu domo Kuuli batua, sabana batua ledo nisanina nia nu madikana. Tapi hitupa komiu Kuuli vegaKu sabana pura-pura anu niepeKu lako nte TuamaKu, nitesaKu muni ka komiu.

Yohanes 17:8

Apa nitesaKu ka ira puramo tesa niuliMiu ka Yaku, bo tesa-tesa haitu nitarimara puramo. Tata, nisanira Yaku mpuu-mpuu nakava lako nte Komiu, bo niparasayara Komiu nantudu Yaku.

Yohanes 3:11

Pariaramo tesaKu hitu. Kami hii notesa anu nisani kami, bo kami nanguli anu nikita kami mboto, tapi komiu pura-pura ledo nadota momparasaya tesa kami.

Yohanes 3:32

Ia notesaki anu nikitaNa bo niepeNa, tapi ledo nadea tona nomparasaya tesaNa haitu.

Yohanes 5:19

Jadi nanguli i Yesus ka pakeni ntoYahudi haitu, “Pariaramo tesaKu hitu. Yaku ledo mamala movia nuapa-nuapa nangoseaka dotaKu mboto, tapi anu nikitaKu lako nte TuamaKu, haitumo nipoviaKu. Nuapa-nuapa nipovia nTuamaKu, haitu muni Kupovia.

Yohanes 5:30

Bo nanguli munimo i Yesus ka pakeni-pakeni ntoYahudi, “Yaku ledo namala novia nuapa-nuapa nangoseaka dotaKu mboto. Yaku nombatangara nangoseaka anu niepeKu lako nte TuamaKu. PotangaraKu nanoa apa Yaku ledo nangoseaka dotaKu mboto tapi aga dota nTuamaKu anu nombatudu Yaku.

Yohanes 6:68

Nesana i Simon Petrus, “Pue, nte isema rakalau kami? Aga Komiu nombatesa tesa anu nombadekei katuvua mabelo sampe ri kasae-saena.

Yohanes 7:16

Nesana i Yesus ka ira, “PepatudukiKu ledo lako ri pangisaniKu mboto, tapi lako nte Alatala anu nantudu Yaku.

Yohanes 8:26

Da nadeapa mamala Kuuli mompakasala komiu, tapi ledo Kuuli. Aga anu niepeKu lako nte Ia anu nantudu Yaku, haitumo Kutesa ka manusia ri dunia. Bo Ia namala raparasaya.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Yohanes 8:42

Nanguli i Yesus ka ira, “Ane Alatala tuamamiu, tantu rapotovemiu Yaku, sabana Yaku nopuna lako nte Ia. Yaku nakava ledo nangoseaka dotaKu mboto, tapi nangoseaka dota nu Alatala anu nantudu Yaku.

Pompakita 1:1

Isi buku hitu notesaki kajadia-kajadia anu majadi bara maipia, anu nipopaisani nu Alatala ka i Yesus Kristus. I Yesus nitudu nu Alatala mompopaisani kajadia haitu ka topangoseaka Ia ala rasanira anu domo masae majadimo. Jadi i Yesus nombatudu malaekaNa hau mompopaisani anu majadi haitu ka batuaNa i Yohanes.