Yohanes 12:40 - Kaili Ledo

⁴⁰ “Tupu nompakaburo matara bo nompakakaa bagara, ala matara ledo mekita bo rarara ledo mesani, ala ira ledo manjili nte Ia bo rapakabeloNa.” Yesaya 6:10

Yohanes 12:40 ပူးပေါင်းရင်းမြစ်များ

Matius 15:14

Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Markus 4:12

ala madupa tesa ri Buku Gasa ivei: >> Yesaya 6:9-10

Markus 6:52

Naupa nikitaramo kajadia ante roti pangane, ledo nisanira isema kakanana i Yesus, sabana da nakumba pompahara.

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Lukas 8:10

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu. Tapi tona ntanina aga nipatuduki ante porapa ala ‘rapariara, tapi nau rapeintara ledo rasanira nuapa najadi, bo nau raepera ledo rasanira batuana.’

Yohanes 12:39

Jadi ira ledo nompakule nomparasaya, sabana Tupu nompakakaa bagara. Evamo tesa nipasimbayu Nabi Yesaya ivei:

Yohanes 9:39

Nanguli i Yesus ka ia, “Patuju kakavaKu ri dunia hitu ala mompakalanto sala ntona ala tona naburo mamala mekita, bo tona nisarumakana nekita, majadi maburo.”

Suro-Suro 15:3

Todea topomparasaya ri ngata Antiokhia nanggeni gi Paulus sampe nakava ri savaliku ngata. Lako ri ngata haitu ira noliu ri propinsi Fenisia bo bagia Samaria. Bo nitesara munimo ka topomparasaya ri sia nadea tona ledo toYahudi nombakabasaka pomparasayara nggaulu ala mangoseaka Alatala. Kareba haitu mpuu-mpuu nompakadamba rara ntopomparasaya ri sia.

Suro-Suro 28:26

Alatala nanguli, ‘Koi uli ka todea toYahudi ivei: Komiu masaro mangepe, tapi ledo rasanimiu batuana. Komiu masaro manggita, tapi ledo rasanimiu anu najadi.

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Roma 9:18

Jadi, Alatala nompoasi isema-sema nipodotaNa rapoasiNa bo Ia nompakakaa baga isema-sema nipodotaNa rapakakaaNa.