Yohanes 12:38 - Kaili Ledo

³⁸ Haitu najadi ala madupamo tesa nitulisi Nabi Yesaya nggaulu ivei: “Pue, ledo ria tona nomparasaya kareba nikeni kami ka ira! Nau kuasaMiu nipopakita ka ira, ledo muni nipariarara.” Yesaya 53:1

Yohanes 12:38 ပူးပေါင်းရင်းမြစ်များ

Matius 15:7

Komiu tano aga tona nabelo ri sumba! Nakana ntotomo Tesa nu Alatala anu nipasimbayu Nabi Yesaya nggaulu ivei:

Matius 16:17

Nanguli i Yesus, “Mabelo mpuu iko, Simon, ana i Yunus! Sabana, ledo manusia nompopaisani haitu ka komiu. TuamaKu ri suruga nompopaisani ka iko isema Yaku.

Matius 27:35

Ri siamo ira nombapaku i Yesus ri kayu salib. Naupu haitu, nibagira pakeaNa ante notende lamoro. Isema nambela lamoro, ia manggava pakea haitu.

Yohanes 12:37

Naupa nadeamo kabaraka nipoviaNa ri ngayora, ledo niparasayara Ia.

Yohanes 12:39

Jadi ira ledo nompakule nomparasaya, sabana Tupu nompakakaa bagara. Evamo tesa nipasimbayu Nabi Yesaya ivei:

Yohanes 15:25

Haitu najadi ala madupa tesa nitulisi riara Buku Gasa ivei: ‘Ira navuu matara nanggita Yaku nau ledo naria sabana.’

Yohanes 17:12

Tempo Yaku da nosanggani-nggani ante ira, Yakumo nombajagai ira ante kuasaMiu, haitumo kuasa nidekeiMiu ka Yaku. NijagaiKu anaguruKu sampe ledo ria saitoa ira nalipo, aga ia anu masipato rapopogaa lako nte Komiu sampe ri kasae-saena ala madupa anu nitulisi riara Buku Gasa.

Yohanes 19:24

Haitu sampe tantara-tantara nanguli, “Nee rabitesita baju ndoe hitu. Agina kita mompenoa lamoro. Isema mambela lamoro, iamo manggava baju hitu.” Haitu najadi ala madupa tesa nitulisi riara Buku Gasa ivei: “Ira momposibagi pakeaKu, bo baju ndoeKu raposipenoara.” Mazmur 22:18 Jadi anu nipovia ntantara-tantara nompakadupa anu nitulisi haitu.

Roma 10:16

Tapi ledo pura-pura tona nomparasaya Kareba Belo haitu. Naria tesa Nabi Yesaya nggaulu nanguli ivei: <> Yesaya 53:1

Roma 10:20

Naupu sia, Nabi Yesaya nabia nompasimbayu tesa nu Alatala ivei: <> Yesaya 65:1

1 Korintus 1:24

Tapi ane tona nipokio nu Alatala majadi todeaNa, nau toYahudi, nau toYunani, nisanira kamate i Kristus haitu nompopakita kuasa bo kapande nu Alatala ka ira.

Galatia 1:16

Ia nompopaisani AnaNa i Yesus ka yaku ala yaku mamala mompatolele Kareba Belo anu notesaki AnaNa haitu ka tona ledo toYahudi. Tempo yaku nipokio nu Alatala, yaku ledo kaliu-liu hau nte manusia merapi rapatuduki, apa i Yesus mbotomo nompopaisani Kareba haitu ka yaku.