Yohanes 12:34 - Kaili Ledo

³⁴ Bo nanguli todea ka Ia, “Lako ri Buku Atura Agama, nisanita Magau Topepakasalama anu nijanji nu Alatala kana matuvu sampe ri kasae-saena. Jadi berimba sampe niuliMiu Ana nu Manusia kana mamate raanggataka pakalanga ri tinja? Isema Ana nu Manusia haitu?”

Yohanes 12:34 ပူးပေါင်းရင်းမြစ်များ

Matius 16:13

I Yesus bo anaguruNa hau ri bagia napara ngata Kaisarea Filipi. Nakava hamai, i Yesus nompekutana anaguruNa, “Nangoseaka panggava ntodea, isema Yaku, Ana nu Manusia?”

Matius 21:10

Tempo i Yesus nesua ri ngata Yerusalem, nagado puramo tona ri sia. Ira nosimpekutana-tanamo, “Isema tano tona hitu?”

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Yohanes 10:34

Nesana i Yesus, “Riara Atura-atura agamamiu, naria tesa nu Alatala ka pakeni ntoYahudi nggaulu nitulisi ivei: ‘Komiu pura-pura ana-ana nu Alatala.’

Yohanes 12:32

Bo tempo Yaku raanggataka pakalanga ri tinja, Kupakeni pura-pura manusia mangoseaka Yaku.”

Yohanes 15:25

Haitu najadi ala madupa tesa nitulisi riara Buku Gasa ivei: ‘Ira navuu matara nanggita Yaku nau ledo naria sabana.’

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Roma 3:19

Jadi lako ri tesa ri Buku Gasa, nisanita ledo ria manusia nanoa. Nisanitamo pura-pura anu nitulisi riara Atura agama nambela ka toYahudi anu natundu ri Atura haitu. Jadi ledo ria saitoa tona namala manguli karona mboto nanoa. Pura-pura manusia masipato rapambela pehuku nu Alatala.

Roma 5:18

Jadi, lako ri dosa i Adam sampe pura-pura manusia masipato rahuku sabana dosara. Tapi i Yesus nangoseaka dota nu Alatala bo lako ri anu nipoviaNa, pura-pura manusia mamala majadi manoa ri panggita nu Alatala bo manggava katuvua mabelo.

Ibrani 7:24

Tapi i Yesus batena natuvu. Haitu sampe Ia batena nokarajaa mpo topanggeni pesomba. PokarajaaNa ledo nolinja nte tona ntanina.