Yohanes 12:21 - Kaili Ledo

²¹ Ira nakava nangulika i Filipus, “Ane mamala, kami madota mosinggava nte i Yesus.” (I Filipus haitu tona lako ri ngata Betsaida ri bagia Galilea.)

Yohanes 12:21 ပူးပေါင်းရင်းမြစ်များ

Matius 11:21

NiuliNa, “Mandasa mpuumo komiu, toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea. Ane rapana kabaraka-kabaraka nipoviaKu ri ngatamiu Kupovia ri ngata Tirus bo Sidon, natantu nasaemo kajeara, nau ira ledo toYahudi. Bo natantu nasae munimo popakeara karu bo podikara sovu ri balenggara, tandana nabuku rarara bo nanjosomo nokainggu nadaa. Komiu toYahudi nanggita kabaraka-kabaraka haitu, tapi komiu ledo ntoto najea!

Matius 2:2

bo nekutanamo ira, “Ri umba Ia, anu majadi Magau ntoYahudi, anu dako nipoanaka? Nikita kami betueNa nebonda ri mpandakena bo kami nakava mombasomba Ia.”

Yohanes 1:48

Nangepe tesa haitu nanguli i Natanael ka i Yesus, “Berimba sampe nisaniMiu yaku?” Nesanamo i Yesus, “Dopame i Filipus hau nompokio iko, nikitaKumo iko hamai ri puna kayu ara.”

Yohanes 6:40

Iveimo dota nTuamaKu, ala pura-pura tona anu mombasani bo momparasaya Yaku, AnaNa, manggava katuvua mabelo sampe ri kasae-saena. Bo Kupakatuvu mpanjili ira ri kaupu nu dunia.”