Yohanes 12:19 - Kaili Ledo

¹⁹ Nanggita haitu, nosimpotesamo toFarisi, “Nidagimo kita! Peinta vei! Pura-pura tona ri dunia hau nangoseaka Ia!”

Yohanes 12:19 ပူးပေါင်းရင်းမြစ်များ

Matius 21:15

Tapi balengga-balengga ntopanggeni pesomba bo guru-guru agama naraumo rarara nanggita kabaraka-kabaraka nipovia i Yesus. Bo nagigimo rarara nangepe ngana-ngana ri Banua nu Alatala nongare-ngare, “Hosana! Ratoiyamo Muli Magau Daud!”

Yohanes 12:18

Jadi nadea tona hau nombatomunaka i Yesus, sabana niepera i Yesus novia kabaraka haitu.

Yohanes 12:20

Ri tatanga ntodea hau metupu nte Alatala ri ngata Yerusalem tempo posusa Paskah haitu, naria muni bara sako-ndua toYunani.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 3:26

Pade ana-anaguruna haitu hau nte i Yohanes bo nanguli, “Guru, da nitoramiu tona nosanggani ante komiu ri sambote Binangga Yordan, anu nituduakamiu ka kami bara ipia? Hitupa Ia muni nombadiu tona, bo nadea mpuu tona hau nte Ia.”

Suro-Suro 17:6

Tapi ledo nikavara i Paulus bo i Silas ri sia. Jadi niumbunjairamo i Yason bo bara sako-ndua topomparasaya ntanina ri sia hau ri ngayo ntopoparenta-topoparenta ngata bo nongare, “I Paulus bo i Silas haitu nompakagado tona ri umba-umba dunia! Sii-sii ira nakava nompakagado ngatata hitu muni!

1 Yohanes 2:2

I Yesus namate nombatanggu dosa-dosata. Bo ledo aga dosata nitangguNa, tapi pura-pura dosa manusia.