Yohanes 11:47 - Kaili Ledo

⁴⁷ Jadi balengga-balengga ntopanggeni pesomba bo toFarisi nompasiromu toPolibu Mbaso Agama Yahudi. Niulira ka topolibu anu nasiromu haitu, “Nuapa masipato rapoviata? Nadea mpuu kabaraka nipovia ntona haitu.

Yohanes 11:47 ပူးပေါင်းရင်းမြစ်များ

Matius 26:3

Tempo haitu balengga-balengga ntopanggeni pesomba bo totua-totua ntoYahudi nasiromu ri banua nu Pakeni nTopanggeni Pesomba anu nosanga i Kayafas.

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Markus 14:1

Tempo haitu da rombongipa pade Eo Mbaso Paskah bo Posusa Roti Ledo Noragi. Balengga-balengga ntopanggeni pesomba bo guru-guru agama nangelo dala mombasaka i Yesus nggalino bo mompatesi Ia.

Yohanes 11:57

Tapi balengga-balengga ntopanggeni agama bo toFarisi lave niulira mami, “Isema-sema nangisani ponturo i Yesus, kana raulina ka kami ala Ia mamala rasaka!”

Yohanes 12:19

Nanggita haitu, nosimpotesamo toFarisi, “Nidagimo kita! Peinta vei! Pura-pura tona ri dunia hau nangoseaka Ia!”

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Yohanes 7:32

ToFarisi nangepe todea nanggalivaya notesa i Yesus. Haitumo sabana ira bo balengga-balengga ntopanggeni pesomba ntoYahudi nantudu bara sako-ndua topojaga Banua nu Alatala hau mombasaka i Yesus.

Yohanes 7:45

Naupu sia, topojaga Banua nu Alatala anu nitudu mombasaka i Yesus pangane, nanjili hau nte toFarisi bo balengga-balengga ntopanggeni pesomba. Nakava hamai, toFarisi bo balengga-balengga haitu nanguli ka ira, “Nakuya ledo nikenimiu tona haitu tumai?”

Suro-Suro 5:21

Naupu nangepe tesa haitu, hau mpuumo suro-suro nanturusi anu niuli nu malaeka ka ira. Nasadondo mpuu ira hau ri doyata Banua nu Alatala bo nompamulamo nompatuduki tona ri sia. Tempo haitu Pakeni nTopanggeni Pesomba ante roa-roana nompokio pura-pura pakeni-pakeni ntoYahudi masiromu ri Polibu Mbaso Agama. Nitudura tona hau mangala suro-suro lako ri tarunggu, rakeni ratangara ri ngayora.

Suro-Suro 5:24

Nangepe tesa haitu, pakeni ntopojaga Banua nu Alatala bo balengga-balengga ntopanggeni pesomba, naingu mpuu rarara nompekirika anu najadi ante suro-suro, bo naeka nompekirika anu majadi ngena.