Yohanes 11:44 - Kaili Ledo

⁴⁴ Bo nesuvu mpuumo i Lazarus lako riara nu dayo. Kadana bo palena da nibeve sompu bo balenggana da nipou kae. Bo nanguli i Yesus ka ira, “Volemo pompouna ala mabelo ia molipa.”

Yohanes 11:44 ပူးပေါင်းရင်းမြစ်များ

Markus 5:43

I Yesus nombatagi ira, <> Bo nituduNa ira mompakande ngana haitu.

Lukas 19:20

Pade nakavamo batua ntanina nanguli, ‘Pua, siimo doi bulava sampeka nidekeimiu ka yaku. Nibunguku ante kae bo nitabuniakaku.

Lukas 7:15

Pade nembangu mpuumo tomate haitu. Ia nonturo bo nompamulamo notesa. Naupu haitu i Yesus nangulika tinana, “Siimo anamu, Ina.”

Yohanes 10:30

Yaku bo TuamaKu ledo ria posisalana, aga saito.”

Yohanes 11:39

Nanguli i Yesus, “Lelakamo vatu haitu!” Tapi nanguli i Marta, sampesuvu ntomate haitu, “Pue, natantu navaumo ia, apa pata-eomo ia riara dayona.”

Yohanes 11:43

Naupu notesa ivesia, nongaremo i Yesus ante suara namangga, “Lazarus! Pesuvumo!”

Yohanes 19:40

Bo ira randua nangala karobata i Yesus bo nisompura ante kae gandisi tobelona bo nidikara rampa-rampa navangi pangane, nangoseaka ada ntoYahudi mombasompu tomate.

Yohanes 20:5

Nakava ri dayo, notunggamo ia nompeinta riara dayo. Nikitana kae gandisi niposompu i Yesus hamai. Tapi ia ledo nesua riara dayo haitu.

Yohanes 20:7

Bo nikitana muni kae nipompou balengga i Yesus. Tapi kae haitu ledo nipasanggani ante kae gandisi, aga nitika pakabelo niboli santanina.

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.