Yohanes 11:39 - Kaili Ledo

³⁹ Nanguli i Yesus, “Lelakamo vatu haitu!” Tapi nanguli i Marta, sampesuvu ntomate haitu, “Pue, natantu navaumo ia, apa pata-eomo ia riara dayona.”

Yohanes 11:39 ပူးပေါင်းရင်းမြစ်များ

Markus 16:3

Ri tatanga mpolipara nosimpekutanamo ira, <>

Yohanes 11:17

Tempo i Yesus nakava ri ngata Betania, pata-eomo kasaena i Lazarus ri dayo.

Suro-Suro 13:36

Tesa hitu ledo nambela i Daud, sabana naupu ia novia anu nitudu nu Alatala ka ia, namatemo ia. Bo ia nitana ri sinjori dayo ntotuana nggaulu, bo karobatana napopomo.

Suro-Suro 2:27

Sabana, ledo rapalambaMiu yaku maboli ri ponturo ntomate. Ledo rapalambaMiu karobataku maboli riara dayo sampe mapopo majadi avu, sabana Yaku batuaMiu nipelisiMiu.

2 Korintus 2:16

Ane tona rapakasalama, kami nienga mpo soa navangi mpuu, apa Kareba haitu nanggeni katuvua nabelo ka ira. Ane tona rapakaropu sabana nisapuakara Kareba haitu, kami mpo soa ntomate, apa Kareba haitu nompakatantu ira mamate bo rapopogaa lako nte Alatala. Isema mompakule mantui pokarajaa ivehaitu? Natantu nangoseaka pompakuleta mboto ledo ria saitoa.

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.