Yohanes 11:36 - Kaili Ledo

³⁶ Nanggita haitu, nanguli toYahudi anu nantuntuni i Maria pangane, “Peintamo. Nipotove i Yesus mpuumo i Lazarus.”

Yohanes 11:36 ပူးပေါင်းရင်းမြစ်များ

Yohanes 11:19

Jadi nadeamo toYahudi nakava nte i Marta bo i Maria mompakavoe rarara sabana sampesuvura i Lazarus namatemo.

Yohanes 11:3

Jadi sampesuvuna randua nombatudu tona hau mangulika i Yesus ivei: “Pue, vega nipotoveMiu nadua.”

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

Efesus 5:25

Langgai, potovemo bereimiu mombine nasimbayu mpo i Kristus nompotove todea topomparasaya bo nombadekei karoNa rapatesi ala mompakasalama kita todea topomparasaya.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.